Փաստ ինֆո

Բնակչության 80 տոկոսը դեմ է Սահմանադրությունը փոխելուն։ Այս մասին են վկայում «Փաստինֆոյի» յութուբյան ալիքում իրականացված հարցման արդյունքները։

Մեր հարցին. «Համամի՞տ եք, որ ՀՀ Սահմանադրությունը փոփոխվի, ընդունվի նոր Սահմանադրություն, որտեղ կբացառվի Անկախության Հռչակագրի վրա հղումը»՝ հարցմանը մասնակցած շուրջ 7 400 հետևորդների 80 տոկոսը բացասական պատասխան է տվել։

Մեր հարցին «Այո» է պաասխանել հարցվածների 15 տոկոսը միայն, ևս 5 տոկոսը դժվարացել էր պատասխանել հարցին։
Հատկանշական է, որ մեկնաբանություններում քաղաքացիները մեծամասամբ իրենց դժգոհություն են հայտնում սահմանադրությունը փոխել ցանկացողների վարած քաղաքականության առնչությամբ։

«Այլևս փոխողների ոչ մի քայլին էլ չենք վստահում»,-գրել էր օգտատերերից մեկը։

Մեկ ուրիշն էլ համաձայնել էր փոփոխությանը՝ մի պայմանաով. «Այո, ես կողմ եմ, եթե բոլոր հայրենիքի դավաճաններին մահապատժի ենթարկեն, իսկ նրանց սատարողներին (ախպերին) ցմահ դատապարտեն, Հայաստանը պիտի ազատվի այդ վիրուսներից»։

Մեկ ուրիշ օգտատեր էլ վրդովվել էր. «Կարող է գիտեք՝ սահմանադրությունը կոստյում է, ով հագնում է՝ իր վրայով է կարում»։

Քաղաքացիներից մի քանիսն էլ առհասարակ կասկածում են, որ իրենց կարծիքը հաշվի են առնելու։ «Իսկ ո՞վ է հաշվի առնում ժողովրդի կարծիքը։ Ժողովրդի անունից գործող անձը, թքած ունի ժողովրդի կարծիքի վրա...»։

Աղբյուր` Փաստինֆո