Փաստ ինֆո

ԱՄՆ վարչակազմը վերահսկում է Կոնգրեսում ընդդիմության ներկայացուցիչների վարքագիծը, որոնք փորձում են արգելափակել Թուրքիային F-16 կործանիչներ վաճառելու գործարքը: Գործընթացի հետևանքները կազդեն Անկարայի արտաքին քաղաքականության վրա, գրում է կառավարամետ Yeni Şafak թերթը՝ վկայակոչելով Թուրքիայի դիվանագիտական աղբյուրներին։

Reuters-ը հայտնել է, որ Վաշինգտոնի վարչակազմը դիմել է Կոնգրեսին՝ հավանություն տալու Թուրքիային F-16 կործանիչների և հարակից սարքավորումների վաճառքին ընդհանուր 20 միլիարդ դոլարով։ 

«Դիվանագիտական աղբյուրներից ստացված տեղեկատվության համաձայն՝ ԱՄՆ վարչակազմը վերահսկում է ընդդիմադիր կոնգրեսականների պահվածքը՝ կատարելու Թուրքիային տրված խոստումը: Ինչպես F-35-ի դեպքում, Կոնգրեսի այլախոհները, ովքեր ստացել են F-16-ի վերաբերյալ գրավոր իրավական երաշխիքներ, կփորձեն օգտագործել, օրինակ, վաճառքի համար հաստատված համակարգերի մատակարարման արգելափակումը կամ գործընթացը հետաձգելը»,- գրում է հրատարակությունը։

«23 միլիարդ դոլար արժողությամբ F-16-ի գնման երկու ամենակարևոր հարցերը վաճառքի պայմաններն են ու երաշխիքների հարցը: Փորձագետները նշել են, որ պայմանները, որոնք Կոնգրեսը կարող է ավելացնել և որոնք կսահմանեն օգտագործման սահմանափակումներ, կարող են հետևանքներ ունենալ Թուրքիայի արտաքին քաղաքականության վրա»,-նշել է թերթը։

Թուրքիան նախկինում պաշտոնապես հաստատել էր Շվեդիայի անդամակցությունը ՆԱՏՕ-ին, ինչը ԱՄՆ վարչակազմի կողմից դրված գլխավոր պայմանն է F-16-ի գործարքի «դրական զարգացումների» համար:

Թուրքական մի շարք կառավարամետ լրատվամիջոցներ և փորձագետներ այն կարծիքին են, որ Թուրքիայի համար F-16-ի գործարքի դրական ավարտը կարող է նոր էջ բացել Անկարայի և Վաշինգտոնի հարաբերություններում, թուրքական կառավարությունը կարող է ընդունել «արևմտամետ արտաքին քաղաքականություն»։

Աղբյուր` Փաստինֆո