Փաստ ինֆո

Շոտլանդիայում 90-ամյա նախկին վանականը, որը բանտային պատիժ է կրում երեխաների նկատմամբ սեռական բռնության համար, չի ընդունել իր մեղքը և իր զոհերին անվանել է «անմեղսունակ»: Այս մասին հայտնում է Metro-ն։

Մայքլ Մերֆին սոցիալական աշխատող էր գիշերօթիկ դպրոցներում 1961-1991 թվականներին: Ինչպես պնդում են տղամարդու զոհերը, նա բազմիցս նրանց ֆիզիկական և սեռական բռնության է ենթարկել։ Մերֆին աշակերտներին կոշիկի ժանյակներով ծեծել է վատ վարքի համար, ինչպես նաև հոսանքահարել է նրանց փոքրիկ սարքի միջոցով, որն անվանել է «խտղտիկ»:

Հետաքննության ընթացքում պարզվել է նաև, որ մի անգամ նա այնքան ուժեղ է ծեծել տղային, որ կոտրել է նրա ձեռքը: Մերֆին, իր հերթին, կատարվածի համար մեղադրել է աշակերտին՝ հայտարարելով, որ նա վիրավորել է իրեն։ «Ես ոլորել եմ նրա ձեռքը՝ ընդամենը։ Եվ նրա մոտ եղել է փոքրիկ ոսկրի կոտրվածք», - պնդել է նախկին վանականը։

Մեղադրյալը նաև հերքել է, որ հոսանքահարել է տղաներին։ Տղամարդու խոսքով՝ իրեն հանձնարարված է եղել ինքնուրույն հոգ տանել 90 Երեխաների համար, և ինքը չէր հասկանում, թե ինչպես ճիշտ դաստիարակել նրանց:

Երբ դատարանում Մերֆիին խնդրել են բացատրել, թե ինչու է իր դեմ այդքան շատ բողոքներ ստացվել, նա հայտարարել է, որ իր դեմ իբր դավադրություն են կազմակերպել ։ «Այս բոլոր տիպերը, բոլոր բողոքողներն անմեղսունակ են։ Իմ կարծիքով, ոստիկանությունը պետք է ստուգի նրանց և հետաքննություն անցկացնի այն բոլոր ստերի վերաբերյալ, որոնք նրանք ասել են»,-ասել է նա։

Մերֆին դատապարտվել է ֆիզիկական և սեռական բռնության 54 մեղադրանքներով 2003, 2016 և 2021 թվականներին: Ներկայումս տղամարդը գտնվում է Էդինբուրգ քաղաքի բանտում, սակայն մինչ օրս չի ընդունում իր մեղքը և պահանջում է շարունակել հետաքննությունը:

Աղբյուր` Փաստինֆո