Փաստ ինֆո

Մեծ Բրիտանիայի ծովային առևտրի օպերացիաների գրասենյակը (UKMTO) հայտնել է, որ տեղեկություն է ստացել Եմենի Հոդեյդա նավահանգստի ափերի մոտ գտնվող նավի մոտ հրթիռների առկայության և պայթյունների մասին:

«UKMTO-ն միջադեպի մասին հաղորդում է ստացել Հոդեյդայից մոտավորապես 60 ծովային մղոն (մոտ 111 կիլոմետր) հեռու: Պայթյուն է լսվել: Հրթիռներ են նկատվել դիրքից 4 ծովային մղոն հեռավորության վրա: Մեկ այլ պայթյուն նկատվել է զգացվել նավից  մոտավորապես 0,5 ծովային մղոն հեռավորության վրա»,- ասվում է գերատեսչության կայքում տեղադրված հաղորդագրության մեջ։

Նշվում է, որ նավն ու անձնակազմն ապահով են։ Իշխանությունները հետաքննում են։ UKMTO-ն նավերին խորհուրդ է տվել զգուշությամբ նավարկել տարածքում և հայտնել ցանկացած կասկածելի գործողության դեպքում:

Եմենի հյուսիսում իշխող Անսար Ալլահը (Հութի) շարժումը, որը վերահսկում է Եմենի Կարմիր ծովի ափերի մեծ մասը, ավելի վաղ զգուշացրել էր Իսրայելի հետ կապված ցանկացած նավի վրա հարձակվելու իր մտադրության մասին՝ կոչ անելով մյուս երկրներին հետ կանչել իրենց անձնակազմին և չմոտենալ նրանց։ Մի շարք նավագնացային ընկերություններ որոշել են դադարեցնել փոխադրումները Կարմիր ծովով։

Հութիներն ասում են, որ իրենց գործողությունները Կարմիր ծովում ուղղված են Գազայի հատվածում պաղեստինցիներին օգնելուն, և նրանք պնդում են, որ իրենք չեն միջամտում տարածաշրջանում նավարկության ազատությանը:

Աղբյուր` Փաստինֆո