Փաստ ինֆո

Ադրբեջանն ակնկալում է, որ Հայաստանը կտրամադրի բոլոր ականապատ տարածքների ճշգրիտ քարտեզները։ Այս մասին ասված է Ադրբեջանի ԱԳՆ հայտարարության մեջ։

Ինչպես նշվում է, Ադրբեջանի արտաքին գործերի նախարարությունը հաշվի է առել Հայաստանի Ազգային անվտանգության ծառայության 2024 թվականի հունվարի 25-ի հայտարարությունը Ադրբեջանին ականների քարտեզներ տրամադրելու մտադրության մասին։

«Հայաստանի կողմից ադրբեջանական տարածքների անխտիր, զանգվածային և նպատակային ականազերծումը հետհակամարտային շրջանում իրականացված լայնածավալ վերականգնողական աշխատանքների, խաղաղ բնակչության, ինչպես նաև ներքին տեղահանվածների և նրանց խաղաղ վերադարձի հիմնական սպառնալիքներից մեկն է»,-հայտնում է Բաքուն՝ Հայաստանին մեղադրելով «ռազմական հանցագործության մեջ»։

Ադրբեջանի ԱԳՆ-ն հայտարարել է, որ ադրբեջանական կողմը Հայաստանից բազմիցս պահանջել է տրամադրել ականների քարտեզներ ինչպես 2020 թվականի պատերազմից առաջ, այնպես էլ հետհակամարտային շրջանում։

Ադրբեջանը պնդում է, թե իբր 2020-ից հետո Հայաստանի տրամադրած քարտեզների ճշգրտությունը կազմել է ընդամենը 25 %` իբրև այս քարտեզներում նշված է 400 հազար ականի գտնվելու վայր, իսկ իրականում «այդ թիվը գերազանցում է 1 միլիոնը»։

«Ադրբեջանական կողմն ակնկալում է, որ Հայաստանը կտրամադրի բոլոր ականապատ տարածքների ճշգրիտ քարտեզները, որոնք ամբողջությամբ չեն տրամադրվել Ադրբեջանին։ Բացի այդ, Հայաստանը պետք է հրատապ միջոցներ ձեռնարկի վերջին 30 տարվա ընթացքում անհետացած գրեթե 4 հազար ադրբեջանցիների ճակատագրի, ինչպես նաև այն զանգվածային գերեզմանների վայրերի մասին, որտեղ ադրբեջանցիները թաղված են»,- ասված է ԱԳՆ հաղորդագրության մեջ։ ։

Հիշեցնենք, որ Հայաստանի ազգային անվտանգության ծառայությունը հայտարարել էր Ղարաբաղում ականապատ դաշտերի մասին տեղեկություններով 8 նոր ձևաթղթերի նույնականացման մասին, որոնք առաջիկա օրերին աշխատանքային խողովակներով կփոխանցվեն ադրբեջանական կողմին։

Աղբյուր` Փաստինֆո