Փաստ ինֆո

Նոր սահմանադրությունը նշանակում է, որ սահմանադրության գաղափարախոսությունը, կամ, ավելի ճիշտ, պետության զարգացման գաղափարախոսությունը պետք է փոխվի։ Երբեմն դա նաև կառավարման համակարգի փոփոխություն է նշանակում։ Պատահական չէ, որ շատերը ենթադրում են, որ հիմնականում խոսքը վերաբերվում է երկրի զարգացման այն թեզերին, որոնք ամրագրված էին Հայաստանի անկախության հռչակագրում։ «Փաստինֆոյի» եթերում ասել է քաղտեխնոլոգ Վիգեն Հակոբյանը։

Բանախոսի դիտարկմամբ, այն բանից հետո, երբ Ն․ Փաշինյանը հռչակեց, որ Հայաստանի տարածքը 29,800 քառ․ կմ է, բնականաբար, բոլոր այն հոդվածները, որոնք մեր ազգային գաղափարախոսության հիմնասյուներն էին, մինչև 2018թ․ անհերքելի ճշմարտություն էին՝ հիմա դրանք որպես կոնսենսուսի առարկա չեն։ Սակայն այն բոլոր պահանջները, որոնք դրվելու են նոր սահմանադրության մեջ, արտաքին պահանջներ են, որոնք բաց տեքստով հնչում են Ադրբեջանի և Թուրքիայի կողմից։ 2020թ․ հետո խաղ է գնում բաց տեքստով։

Անդրադառնալով Երրորդ Հանրապետության առնչությամբ նախկին նախագահ Արմեն Սարգսյանի հայտարարությանը, բանախոսը նշեց, որ երբ Ա․ Սարգսյանը ընտրվեց ՀՀ նախագահ, հայտարարեց, որ սա 4-րդ հանրապետության սկիզբն է։ Դա արդեն ակնարկ էր, որ երկրում կտրուկ փոփոխություններ են սպասվում, որոնք, ըստ էության, մի համակարգի վերջն են արձանագրելու, համակարգ, որը որ կոչվում էր Երրորդ հանրապետություն և որի հիմքում Ղարաբաղյան շարժումն էր։ «Այստեղ հարցեր են առաջանում, քանի որ Ա․ Սարգսյանը ասոցացվում է Մեծ Բրիտանիայի հետ։ Դա լուրջ ահազանգ էր, որ ինչ որ պրոցեսներ մտնում են եզրափակիչ ֆազա։ Այդքան մոտ լինելով Մեծ Բրիտանիայի իսթեբլիշմենթին, Ա․ Սարգսյանը որոշակի տեղեկություններ ուներ, թե ինչ է սպասվում Հայաստանին և Արցախին իր ընտրվելուց հետո՝ մոտակա 1-2 տարվա ընթացքում»,- ասել է Ա․ Սարգսյանը։

Մանրամասները՝ տեսանյութում։

Աղբյուր` Փաստինֆո