Փաստ ինֆո

Պակիստանի ԱԳ նախարար Ջալիլ Աբաս Ջիլանին հարվածից հետո իր իրանցի գործընկերոջ հետ զրույցում ընդունել է ահաբեկչության սպառնալիքը, սակայն հայտարարել է, որ միակողմանի գործողությունները կարող են խաթարել կայունությունն ու խաղաղությունը տարածաշրջանում:

Նա նաև հայտարարել է, որ հրթիռային հարվածը լուրջ վնաս է հասցրել երկկողմ հարաբերություններին և հավելել, որ Իսլամաբադն իրեն իրավունք է վերապահում պատասխանել այդ «սադրիչ քայլին»:

«Ընդգծելով, որ ահաբեկչությունը տարածաշրջանում ընդհանուր սպառնալիք է և պահանջում է կենտրոնացված և համակարգված ջանքեր այդ վտանգի դեմ պայքարելու համար, ԱԳ նախարարը նշել է, որ միակողմանի ջանքերը կարող են լրջորեն խաթարել տարածաշրջանային խաղաղությունն ու կայունությունը: Տարածաշրջանում ոչ մի երկիր չպետք է գնա այդ վտանգավոր ճանապարհով», - ասվում է Պակիստանի նախարարության հայտարարության մեջ, որը հրապարակվել է կայքում։

Նախօրեին երեկոյան Իրանի Իսլամական հեղափոխության պահապանների կորպուսը հայտարարել է, որ բալիստիկ հրթիռներով և անօդաչու թռչող սարքերով հարվածել Է «Ջեյշ ալ-Ադլ» ահաբեկչական խմբավորման հիմնական հենակետին, որը գտնվում է Իրանին սահմանակից Պակիստանի Բելուջիստան նահանգում: Պակիստանը վճռականորեն դատապարտել Է Իրանի հարձակումը, իսկ չորեքշաբթի օրը Թեհրանից հետ է կանչել իր դեսպանին՝ նշելով նաև, որ Իրանի դեսպանը դեռևս չի կարողանա շարունակել իր դիվանագիտական առաքելությունը Իսլամաբադում:

Աղբյուր` Փաստինֆո