Փաստ ինֆո

«Խաղաղության օրակարգ» եզրույթը Դուք ամենայն հավանականությամբ օգտագործել ենք 2018 ապրիլի սկզբին՝ ԵԿՄ 12 -րդ արտահերթ համագումարի ժամանակ, երբ խաղաղության օրակարգը ներկայացրել եք որպես անհրաժեշտության դեպքում՝ խաղաղություն պարտադրելու օրակարգ։ Այս մասին ԱԺ-ում կառավարության հետ հարցուպատասխանի ժամանակ ասաց «Հայաստան» խմբակցության պատգամավոր Արթուր Խաչատրյանը։

«Ակներև է, որ թշնամուն չկարողացաք խաղաղություն պարտադրել, և խաղաղության օրակարգը 2021 թ-ին այլ իմաստ ստացավ, 2022 թ-ին բյուրեղացավ «զիջումներ»՝ միայն թե կարողանամ Հայաստանի 29 800 քկմ-ն պահել՝ անկախ նրանից, որ ձեր նախընտրական ծրագիրը լրիվ ուրիշ բանի մասին էր։ Դուք դա հիմնավորում էիք նրանով, որ իրավիճակ է փոխվել։ 2023 թ-ի մայիսին, արդեն ընդունեցիք Ադրբեջանի գերիշխանությունը Արցախի նկատմամբ՝ չունենալու դրա իրավունքը։ Հիմնավորումն այն է, որ Հայաստանի և Արցախի անվտանգությունն անհամատեղելի էր ու ստիպված էիք գնալ Արցախի հարցում զիջումների։

Մի քանի օր առաջ Ալիևը հայտարարեց, որ ոչ պատրաստ է սահմաններ կամ տարածքներ ճանաչել, որ այլ ռեժին է պահանջում, որը միջանցքից չի տաբերվում։ Ստեղծվել է, նոր իրավիճակ։ Նոր իրավիճակում ի՞նչ լուծում եք առաջարկում»։

Փաշինյանը պատասխանեց, որ այն հայտարարությունները, որոնց մասին ինքը խոսել է՝ դրանց նպատակը կախված է եղել ՀՀ տարածքային ամբողջականության և ինքնիշխանության հետ։ «Մենք չենք նկատել, որ անկախության գոյության ողջ ընթացքում ՀՀ ինքնիշխանությունը և տարածքային ամբողջականությունը չենք ֆիքսել և լղոզել ենք։

Մեր ռազմավարական ընկալումն այն է, որ մեր բոլոր դիրքորոշումները և ձևակերպումները պետք է հենվեն լեգիտիմության վրա, այսինքն, պետք է լինեն, բացառիկ լեգիտիմ»։

Անդրադառնալով Բաքվից հնչող հայտարարություններին՝ Փաշինյանն ասաց, որ դրանց արդեն պատախանել է։
«Ադրբեջանը 2 հակադարձում է անում, առաջինն այն է, որ եթե ՀՀ-ն պատրաստ չէ ճանապարհները բացել, ուրեմն Ադրբեջանը կօգտվի Իրանի տարածքով անցումից։ Երկրորդ հարցադրումն այն է, որ թե ինչու պետք է Ադրբեջանից դեպի Նախիջևան անցաման ժամանակ, որը 47 կմ է՝ տեղի ունենան ստուգման գործընթացներ։ Մենք սրան պատասխանում են հետևյալ կերպ, ինչպես Իրանը տալիս է այդ անցումը, նույնպես էլ ՀՀ-ն է պատրաստ այդ ճանապարհը տալ։ Եթե ՀՀ տարածքով անցումը Ադրբեջանի հիմնական մասից դեպի նախիջևան 47 կմ է, Իրանի տարածքով էլ՝ 49 կմ է։ Եթե հսկողական գործառույթներն ընդունելի են 49 կմ-ի համար, դրանք չեն կարող ընդունելի չլինել 47 կմ-ի համար»։

Խաչատրյանն արձագանքեց, որ իրականում Փաշինյանն ասում էր, որ կտա Արցախը, փոխարենն Ադրբեջանը կճանաչի ՀՀ տարածքային ամբողջականությունը, ճանապարհների հարց կլուծվի, փախստականների հարց կա, բայց Ալիևն ասում է, որ դա չի ընդունում։ «Ստացվում է, ողջ բանակցային գործընթացից Ալիևը պոկեց Փաշինյանի կողմից ճանաչումը Ադրբեջանի տարածքային ամբողջականության, փոխարենը ոչինչ չտվեց։ Արդյունքում ստեղծվել է ավելի ագրեսիվ միջավայր Հայաստանի համար։ Երբեք Հայաստանի նկատմամբ այսքան ագրեսիվ ու անհարգալի չի խոսել,այս իրավիճակի համար ի՞նչ հակաքայլ եք առաջարկում։ Վաղը Ադրբեջան կարող է պատերազմ սկսել՝ քանի որ ասում է՝ չկա սահման, էլի առաջ կգա, ինչ հակաքայլ եք առաջարկում»։
Փաշինյանն ասաց, որ կարծում է, որ այս իրավիճակում մեր պաշտպանության գործոնը պետք է լինի լեգիտիմությունը։ «Այն գործողությունները, որ ներկայացնում եք ԼՂ-ի տեսակետից, իրականում այդ գործողությունների կապը ՀՀ ինքնիշխանության, տարաքային ամբողջականության և անվտանգության հետ է, ԼՂ-ի հետ չէ»։

Աղբյուր` Փաստինֆո