Փաստ ինֆո

Մարդկությունը վաղուց է պլաններ կազմում այլ մոլորակները գաղութացնելու համար: Վերաբնակիչները ստիպված կլինեն իրենց հետ բերել մի ամբողջ էկոհամակարգ, այդ թվում՝ կենդանիներ։

Կենդանի էակները կարող են կատարել կենսական խնդիրներ: Ձկների և ծովախեցգետնի բուծումը տիեզերագնացներին սննդով կապահովի, միջատները կփոշոտեն բույսերը, իսկ միկրոօրգանիզմները, ինչպիսիք են թարդիգրադները, օգտակար կլինեն գիտական հետազոտությունների համար:

Սիեթլում Վաշինգտոնի համալսարանի աստղակենսաբաններցի մեկի խոսքով՝ Երկրից դուրս բարդ էկոհամակարգերը դեռ ավելի շատ գիտաֆանտաստիկայի ոլորտից են, սակայն արդեն պարզ է, որ ոչ բոլոր տեսակները կկարողանան հարմարվել այլմոլորակային միջավայրին։

Այսպիսով, առանցքային խնդիրը կլինի նվազած ձգողականությունը: Մարսի վրա դա Երկրի ձգողականության 1/3-ն է կազմում, Լուսնի վրա՝ 1/6-ը։ Հնարավոր է արհեստական միջավայր ստեղծել ցանկալի մթնոլորտային բաղադրությամբ, ջերմաստիճանով և ճնշումով, սակայն գիտնականները դեռևս չեն գտել գրավիտացիայի վրա ազդելու միջոց։

Փոփոխված ձգողականությունը կխոչընդոտի մկանների և ոսկորների պատշաճ զարգացումը: Հետևաբար, Մարսի վրա կենդանիները չեն կարողանա կանգնել կամ քայլել:

Փորձագետը նշել է, որ ավելի պարզ տեսակները՝ միջատները կամ խեցգետնակերպերը, ավելի դիմացկուն կլինեն մարսյան պայմանների նկատմամբ։ Օրինակ՝ ծղրիդը կարող է օգտագործվել որպես սպիտակուցի աղբյուր։

Մարսում նվազ ձգողականությունը բացասաբար չի ազդի նաև ձկների և այլ ջրային կենդանիների կյանքի վրա: Մասնագետն առաջարկել է ծովախեցգետին աճեցնել փոքր ակվարիումներում և օգտագործել որպես ջրային համակարգի մաս, հաղորդում է Live Science-ը։

Աղբյուր` Փաստինֆո