Փաստ ինֆո

Ադրբեջանն ամեն ինչ անում է իր բանակը հզորացնելու համար, իսկ մեր երկրի ղեկավարությունը խոսում է սպառազինությունների վերահսկման մեխանիզմի մասին: ԱԺ-ում լրագրողների հետ զրույցում հայտարարել է ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը։

Ըստ նրա՝ մեր երկրի ղեկավարությունը լուրջ ուշադրություն պետք է դարձնի ոչ թե ոստիկանական ուժերի ուռճացմանը, այլ բանակի համալրմանը, ռազմական տեխնիկայի, սպառազինության ծրագրի իրականացմանը:

Պաշտպանության նախկին նախարարն ընդգծել է, որ յուրաքանչյուր պետություն առաջին հերթին ինքն է ապահովում իր անվտանգությունը
Օրեր առաջ Ադրբեջանի նախագահ Իլհամ Ալիեւը հայտարարել է, որ եթե Հայաստանը չտրամադրի «Զանգեզուրի միջանցքի»-ը, ապա իրենք որեւէ հատվածում չեն բացի բացի Հայաստանի հետ ճանապարհները։ Ապաշրջափակմանն արձագանքելով Օհանյանը նշել է՝ «Մշտապես ասել եմ, որ Սյունիքով ճանապարհի բացումը մեզ ոչինչ չի տալու, մեր գործընկերները հաշվարկներ են իրականացրել, ոչինչ դա չի տալու մեզ։

Ընդհակառակը՝ երկու ուղղությամբ ճնշումներ են լինելու ՀՀ ինքնիշխան տարածքի վրա. տնտեսական ճնշումներ և երկրորդը՝ ժողովրդագրական պատկերի փոփոխություն։ Մեր կեղծ հարևանները գալու են լցվեն Սյունիք, այնուհետեւ տնտեսական ճնշումներ են լինելու: Մենք դրա վառ օրինակը Խորհրդային Միության ժամանակներում տեսել ենք, թե ինչ արագությամբ են իրենք իրենց բնակչության քանակն ավելացնում»։

Աղբյուր` Փաստինֆո