Փաստ ինֆո

Խաղաղության պայմանագրի թեզերը ու պայմանավորվածությունները վերաբերում են երկու կողմերին, չկա թեզ կամ կետ, որը վերաբերում է միայն մեկ կողմին։ ԱԺ-ում տեղի ունեցած ճեպազրույցի ընթացքում վստահեցրել է ԱԺ նախագահ Ալեն Սիմոնյանը՝ նշելով, թե չկա այնպիսի բան, որ միայն Ադրբեջանը պետք անի եւ հակառակը, որ վերաբերի միայն Հայաստանին։

«Օրինակ, երբ խոսքը գնում է զորքերի հետ քաշելու մասին, ապա այն հայելային հետքաշման մասին։ Նույն կերպ բոլոր թեզերը վերաբերում են 2 կողմերին»,- նշել է Ալեն Սիմոնյանը։

Դիտարկմանը, թե Ադրբեջանը շարունակում է հրաժարվել ճանաչել Հայաստանի տարածքային ամբողջականությունը՝ նա նշեց, որ ՀՀ տարածքային ամբողջականության մասին Ադրբեջանի նախագահը բազմիցս հրապարակային հայտարարություն է արել։

«Եթե խոսքը 29 800 քկմ-ի մասին, այո, այդ թիվը չի ասվել ու մենք ակնկալում ենք, որ դա էլ տեղի կունենա։ Դրա բացատրությունն ու պատճառներն այն են, որ հստակ սահմանագծումն ավարտված չէ, դրա համար էլ իրենք զերծ են մնում կոնկրետ թիվ հայտարարելուց, միգուցե, պահում են հետագա սակարկման համար։ Ամեն դեպքում՝ ես կարող եմ ասել, որ կա քննարկվող պայմանագիր, որի կետերով մենք առաջ ենք գնում»,- ասել է ԱԺ նախագահը։

Անդրադառնալով Ալիևի հայտարարություններին, թե Երևանը իրենց «Էրիվանն է»՝ Սիմոնյանն ասաց. «Չեք նկատել, որ այն ամենն ինչ անում է հարևան երկրի ղեկավարը՝ հայելային է նա կրկնում է այն, ինչ հայկական կողմն ասել է տարիների ընթացքում։ Չէ, որ մենք ասել ենք, որ դրանք մեր պատմական տարածքներն են։ Այսինքն, հռետորաբանությունն այլևս հայելային է, դա փաստ է։ Ալիևը խոսում է մի բանի մասին, որ հակակշիռ ստեղծի այն բանի, որ մենք 30 տարվա ընթացքում ստեղծել ենք։ Մենք ասել ենք, որ Ղարաբաղը Հայաստան է, Նախիջևանը Հայաստան է, մենք ասել ենք, որ գնալու ենք Բաքվում թեյ խմելու, իսկ հիմա իրենք են ասում, որ գալու են Սևան՝ թեյ խմելու։ Մի խոսքով, այդ բառապաշարի մեջ ենք մտել, բայց կա գործընթաց պայմանագրային, որտեղ ամեն ինչ վերաբերում է պայմանագրի 2 կողմերին՝ Հայաստանին և Ադրբեջանին հավասարաչափ»։

Անդրադառնալով «Զագեզուրի միջանցքին» նա ընդգծեց, որ «Զանգեզուրի միջանցքի» մասին կետ չկա պայմանագրում և չի կարող լինել։ «Մենք ասել ենք, որ հասկանում ենք, որ Ադրբեջանը իր երկրի մի մասից մյուսը տեղափոխվելու համար ճանապարհ է ուզում, ասել ենք, որ պատրաստ ենք տրամադրել ճանապարհ՝ միգուցե թեթեևացված գործընթաց լինի, որ իրենք կարողանան տեղափոխվել, բայց արտատարածքային ճանապարհի մասին խոսք չկա»։

Սիմոնյանի դիտարկմամբ՝ մենք ունենք երկուստեք վստահության խնդիր, որոցով իրենք հիմա զբավում ենք։ «Ես պետք է ասեմ, որ մենք հաստատակամ ենք խաղաղությունը հաստատելու հարցում և տնտեսական նորմալ հարաբերություններ հաստատելու հարցում»։
Հարցին, թե մինչ Հայաստանը խոսում է «Խաղաղության խաչմերուկի մասին Ալիևը պատրաստվում է պատերազմի, հնարավոր համարո՞ւմ է նման զարգացում իրադարձությունների՝ հաշվի առնելով նաև հռետորաբանության կոշտացումը՝ Սիմոյանն հարցրեց. «Իսկ կա՞ ինչ -որ ազդակ առ այն, որ Հայաստանի Հանրապետությունը մտածում է, որ պետք է բոլոր պարագաներում մտածի, որ միայն խաղաղություն է լինելու, իհարկե՝ ոչ։ Մենք բանակ ունենք, բանակը զարգացնում ենք ու մենք պաշտպանվելու ենք մինչև վերջ, բայց չենք պատրաստվում որևէ երկրի վրա հարձակվել ու որևէ երկրից տարածքային պահանջներ չունենք»։

Նա նաև չբառաեց, որ Հայաստանը գնա ուղիղ բանակցությունների Ադրբեջանի հետ, քանի որ ըստ Սիմոնյանի՝ ուղիղ բանակցությունների դրական օրինակ ունեցել ենք։ «Բայց, իհարկե, միջազգային հանրության ֆիքսումը կարևոր է, ընդ որում՝ մեկը մյուսին չի բացառում, այլ օգնում է»,- ասել է օրենսդրի ղեկավարը։

Աղբյուր` Փաստինֆո