Փաստ ինֆո

Վերջին օրերին Բաքվից հնչող հայտարարությունները համարում եմ լրջագույն հարված խաղաղության գործընթացին։ Այս մասին «Քաղաքացիական պայմանագիր» կուսակցության նախաձեռնող խմբի նիստին ասել է ՀՀ վարչապետ Նիկոլ Փաշինյանը։

Մենք մի քանի անգամ հրապարակային պայմանավորվել ենք, որ Հայաստանի և Ադրբեջանի միջև խաղաղությունը, ինչպես նաև սահմանների դելիմիտացիան և դեմարկացիան պետք է հիմնված լինի 1991 թվականի դեկտեմբերի Ալմաթիի հռչակագրի հիման վրա: Սա նշանակում է մի պարզ բան, որ Հայաստանը և Ադրբեջանը միմյանց տարածքային ամբողջականությունը ճանաչում են այն ըմբռնմամբ, որ ՀՀ տարածքը ճշգրիտ այնքան է, ինչքան եղել է հայկական սովետական սոցիալիստական հանրապետության տարածքը և Ադրբեջանի տարածքը ճշգրիտ այնքան է, ինչքան եղել է ադրբեջանական սովետական սոցիալիստական հանրապետության տարածքը: Ալմաթիի հռչակագիրը հենց դա էլ ասում է, որ խորհրդային միությունը փլուզվեց, և այն հանրապետությունները իրենք իրենց տարաածքներով ձեռք են բերում անկախություն և ադմինիստրատիվ սահմանները խորհրդային պետությունների միջեւ եղած դառնում են պետական սահմաններ»:
Փաշինյանը նշեց, որ սա նշանակում է, որ սահմանների սահմանազատման գործընթացը սահման ստեղծելու մասին չէ, այլ վերարտադրեն այն սահմանները, որոնք գոյություն են ունեցել 1991 թվականի Ալմաթիի հռչակագրով:
«Այս պայմանավորվածությունները Հայաստանի և Ադրբեջանի միջև արձանագրվել են և 2022 թվականի հոլտեմբերի 6-ի Պրահայի հանդիպման և արդյունքում ընդունված քառակողմ հայտարարությունում, և Սոչիում տեղի ունեցած հանդիպման ժամանակ, և 2023 թվականի հուլիսի 15-ին Բրյուսելում տեղի ունեցած եռակողմ հանդիպման ժամանակ:

Այն, ինչ Ադրբաջանն ասում է ամենաբարձր մակարդակով ուղիղ հակասում է այս տրամաբանությանը և այս պայմանավորվածությանը: Չնայած, որ Ադրբեջանում նախընտրական շրջանն է, սա շատ կարևոր նրբություն է, որը պետք է պարզաբանվի։ Ի հեճուկս այս պայմանավորվածութունների՝ Ադրբեջանը փորձում է տարածքային պահանջներ գեներացնել ՀՀ-ի նկատմամբ, ինչն անընդունելի է»,- ասել է նա:

Աղբյուր` Փաստինֆո