Փաստ ինֆո

Գիտնականները պարզել են, որ որքան ուշ է նախաճաշը, այնքան մեծ է սրտանոթային հիվանդությունների և 2-րդ տիպի շաքարախտի վտանգը։ Ինչպես է սնվելու ժամերն ազդում առողջության վրա և ինչ է իրենից ներկայացնում քրոնոնսնուցումը` Риа-ին ներկայացրել է մասնագետ Տատյան Պիչուգինան։

Ժամանակն է նիհարել

Օրգանիզմում էներգետիկ պրոցեսների ինտենսիվությունը կախված է օրվա ժամից՝ սա կոչվում է ցիրկադային ռիթմեր: Սննդի գրաֆիկը նրանց հետ կապելը միանգամայն տրամաբանական է։ 1980-ականների կեսերին նույնիսկ ի հայտ եկավ հատուկ տերմին՝ քրոնոնսնուցում:

Հայտնի է, որ մարդիկ, ովքեր աշխատում են գիշերը, ավելի հավանական է, որ տառապեն սրտի հիվանդություններից և գիրությունից: Կան ապացույցներ, որ նրանք ունեն քաղցկեղի ավելի բարձր ռիսկ: Քրոնո-սնուցման օգնությամբ գիտնականները հույս ունեն լուծել ավելորդ քաշի և 2-րդ տիպի շաքարախտի խնդիրները, որոնք չափազանց տարածված են աշխարհի զարգացած երկրներում։

Չնախաճաշելը վատ գաղափար է

Շաքարային դիաբետը առաջանում է գլյուկոզայի նյութափոխանակության խաթարման պատճառով: Գլյուկոզան ավելի լավ է ներծծվում առավոտյան և կեսօրին։ Ուշ նախաճաշերն ու ընթրիքները, որոնք տարածված են ժամանակակից աշխարհում, խախտում են ռիթմերը և բարձրացնում արյան գլյուկոզի մակարդակը: Սա, բացի շաքարային դիաբետից, նպաստում է սիրտ-անոթային և աղեստամոքսային տրակտի հիվանդությունների զարգացմանը։ Ծխելը, սթրեսը, կյանքի արագ տեմպերը սրում են իրավիճակը։

Բվերը կամ գիշերային կենսակերպի մարդիկ այս հարցում ռիսկի գոտում են, քանի որ բաց են թողում նախաճաշը։

Մասնագետները կարծքում են, որ թերևս ոչ միայն կարևոր է այն, թե ինչ ենք ուտում, այլ նաև այն, թե որ ժամերին, ուստի նրանք խորհուրդ են տալիս սնունդ ընդունելիս հաշվի առնել ոչ միայն սննդի կալորիականությունը, օգտակարությունը, այլև դրանք ընդունելու ինտերվալները ու ժամերը։

Աղբյուր` Փաստինֆո