Փաստ ինֆո

2020 թ-ի դավադիր պատերազմի ավարտից հետո, ես ընդգծել եմ, որ «խաղաղության դարաշրջան», «խաղաղության պայմանագիր» եզրույթները նվազագույնը քաղաքագիտական տգիտության դրսևորումներ են։ Դրանք քաղաքագիտական անմեղսունակ եզրույթներ են, քանզի թուրք-ադրբեջանական տանդեմի իրական նպատակը Արցախի լուծարումը չէ, վեջնանպատակը Հայաստանի Հանրապետության տարածքային ամբողջականության և անվտանգության հաշվին Թուրքիայի և Ադրբեջանի միջեւ ցամաքային սահման ստանալն է։ Այս մասին «Փաստինֆո»-ի հետ զրույցում ասաց ԲՀԿ քաղխորհրդի անդամ, ՀՀ ԱԺ նախկին պատգամավոր Արման Աբովյանը։

Ինչպես արդեն հայտնել ենք՝ նախօրեին Ալիևը վերջնագրերի լեզվով է խոսել Հայաստանի հետ, նախ անընդունելի է համարել զորքերի հետքաշումը ՀՀ ինքնիշխան տարածքից, տարածքային պահանջներ ներկայացրել՝ նշելով թե Ջերմուկն ու Երեւանը ադրբեջանական քաղաքներ են, ապա խոսել է 8 գյուղի մասին, որոնք, իբր, գտնվում են հայկական օկուպացիայի ներքո ու ավելացրել, թե այդ հարցը՝ Ղազախ-Թովուզի շրջանի սահմանազատման հարցը, լինելու է սահմանազատման սահմանազատման հանձնաժողովի այս ամիս նախատեսված նիստի օրակարգում։ Ավելին՝ Ալիեւը նաեւ հայտարարել է, թե «Զանգեզուրի միջանցքը» չբացվելու դեպքում, իրենք որեւէ հատվածում չեն բացի Հայաստանի հետ սահմանը։

Արման Աբովյանի արձանագրմամբ՝ Ադրբեջանը միշտ խոսել է, խոսում է ու շարունակելու է Հայաստանի հետ խոսել վերջնագրերով, քանի որ ՀՀ-ի թավշյա, ոչ բռնի իշխանությունները հրաժարվում են մինչ օրս ընդունել պարզ իրողություն, այն է՝ իրենց որդեգրած տրամաբանությամբ խաղաղության հասնելն անհնարին է։ «Սա, ըստ էության, հաստատեց այս իշխանությունների «կառուցողական» գործընկեր՝ ոմն Իլհամ Ալիևը։ Սա ուղղակի հետևանք է ապաշնորհ, հակապետական և հակահայկական քաղաքականության, որը վարում է այս իշխանությունը՝ անունը դնելով, որ գնում է դեպի խաղաղության»,- նշել է գործիչը։

Նրա խոսքերով՝ Ալիևը, ըստ էության, հաստատեց այն, ինչի մասին այս իշխանություններին բազմիցս զգուշացվել է՝ անհնար է այս տրամաբանության մեջ հասնել խաղաղության։ Հակառակը, այս տրամաբանությունը բերելու է թուրք-ադրբեջանական տանդեմի պահանջների ընդլայնման և կոշտացման, ինչի ականատեսն ենք։

«Ինձ շատ հետաքրքիր է, թե ինչպես են ՀՀ իշխանություններն արձագանքելու երեկվա, ըստ էության, թվացյալ խաղաղության բանակցությունների էության բացահատմանը»,- նշել է մեր զրուցակիցը։

Աբովյանի դիտարկմամբ՝ Ալիևն, ըստ էության, բացահայտեց այն, ինչ մասին իրենք խոսում են. «ի՞նչ է առաջին անգա՞մն է, որ ՀՀ իշխանությունները խոսում են ինչ-որ կարմիր գծերի մասին, հետո մեծ խանդավառությամբ էլ այդ կարմիր գծերը ոտնահարում են»։

Անդրադառնալով սահմանազատման հանձնաժողովների հունվարին կայանալքի հանդիպման օրակարգի բացահատմանը, այն է՝ 8 գյուղերի հանձնմանը, Աբովյանն ասաց, որ սահամանզատումն իրականացվում է, ոչ թե որևէ քարտեզի հիման վրա, այլ Ադրբեջանի և Թուրքիայի ճնշման ներքո։

«Երեկ Ալիևը պարզ ասաց, որ իրեքն չեն ընդունում ոչ մի քարտեզ։ Ինչու Տավուշ՝ շատ պարզ պատճառով, այսօր Ադրբեջանը վերահսկում է Հայաստանի Հանրապետության տարածքի այն հատվածները, որոնք միացնում ենք մեզ Իրանի հետ։ Հիմա իրենք ցանկանում են վերահսկողության տակ վերցնել նաեւ այն հատվածները, որոնք միացնում են Հայաստանը՝ Վրաստանի հետ։ Այսինքն, տոտալ ու անվերապահ Հայաստանի անվտանգային լոգիստիկայի վեահսկողություն՝ Ադրբեջանի կողմից, սա է նպատակը»,- արձանագրեց պարոն Աբովյանը։

Ինչ վերաբերում է Ջերմուկի, այսպես կոչված, ադրբեջանական լինելու կեղծ թեզի շրջանառության մեջ դնելուն՝ Աբովյանն ասաց, որ Ալիևը դրանով միայն մեզ չի հակադրվում, նա համաշխարհային պատմությանն է հակադրվում, նույն հաջողությամբ կարող է հայտարարել, որ Փարիզն է ադրբեջանական քաղաք։ «Երբ Ալիևը արտաբերում է ակնհայտ էշություն՝ ինքը գիտի, որ դա էշություն է, քանի որ անգամ Ադրբեջանի որևէ սանտիմետր ադրբեջանցիներին չի պատկանել շատ պարզ պատճառներով, բայց Ալիևի հիմնական նպատակն է քաղաքագիտական և դիվանագիտական հիմք նախապատրաստել ապագա անեքսիայի և էսկալացիայի համար, որն անթաքույց անում են։ Ընդ որում, իրավիճակի աբսուրդը կայանում է նրանում, որ իրենք նախապատրաստվում են Հայաստանի Հանրապետության հանդեպ ագրսիվ գործողություններ կատարել»։

Հարցին, թե այս հայտարարություններից հետո ինչ զարգացումներ կարելի է ակնկալել՝ Աբովյանն ասաց՝ էսկալացիայի ու մասնատման։ «Կամ էլ՝ այս իշխանությունները կրկին մարդկանց վախեցնելու են պատերազմով ու գնալու են Հայաստանի ինքնիշխան տարածքների մասնատման, ու այս մասնատումը փորձելու է ներկայացնել որպես գին, որը վճարում են խաղաղության համար։ Որքան այս կրավորական, պրոադրբեջանական քաղաքականությունը Հայաստանում շարունակվի, այնքան ՀՀ գոյությունը հարցականի տակ է»,- եզրափակեց Արման Աբովյանը։

Աղբյուր` Փաստինֆո