Փաստ ինֆո

ՀՀ կառավարության որոշմամբ Դավիթ Խուդաթյանն այսօր նշանակվել է Արմավիրի մարզպետ: Հարցն ընդգրկված է այսօրվա կառավարության նիստի չզեկուցվող հարցերի փաթեթում։

«Փաստինֆոն» ներկայացնում է Խուդաթյանի կենսագրական որոշ տվյալներ և 2022 թ-ի հայտարարագիրը։

Ով է Դավիթ Խուդաթյանը

Ծնվել է 1991 թվականի օգոստոսի 03-ին Արմավիր քաղաքում:
1998-2008թթ. սովորել է ք. Արմավիրի Վ. Բախշյանի անվան թիվ 2 միջնակարգ դպրոցում:
2008-2014թթ. սովորել է Հայաստանի պետական տնտեսագիտական համալսարանի (ՀՊՏՀ) Ինֆորմատիկայի և վիճակագրության ֆակուլտետի Կառավարման տեղեկատվական համակարգեր մասնագիտությամբ:
2009-2011թթ. զորակոչվել է պարտադիր զինվորական ծառայության:
2014թ. սեպտեմբերից մինչև 2017թ. հուլիս ամիսը աշխատել է «ՖԻՆՔԱ» ՈՒնիվերսալ վարկային կազմակերպությունում, որպես Արմավիր մասնաճյուղի մասնագետ:
2017թ. օգոստոսից մինչև 2018թ. հունվար ամիսը աշխատել է «Ադմաքս» ՍՊԸ-ում, որպես կոմերցիոն մենեջեր:
2018թ. փետրվարից մինչև հունիս ամիսը աշխատել է «ՄՈԳՈ» ՈՒնիվերսալ վարկային կազմակերպությունում, որպես Կենտրոն մասնաճյուղի մասնագետ:
Քաղաքացիական պայմանագիր կուսակցության հիմնադիր անդամ է: Կուսակցության Արմավիրի տարածքային կառույցի ղեկավար:
Ամուսնացած է, ունի երկու երեխա:

Ունեցվածքը

2022 թ-ին Դավիթ Խուդաթյանն հայտարարագրել է 2019 թ-ին ձեռք բերած բնակարանը Քանաքեռ- Զեյթուն համայնքում, բանկային հաշվին եղած 510 հազար դրամ դրամական միջոցները, ինչպես նաև 3,8 մլն դրամ կանխիկ գումարը։

2022թ-ին նրա եկամուտները կազմել են 8 մլն 661 հազար դրամ, որից 1,5 մլն դրամը նա ստացել է ՀՀ ֆինանսների նախարարությունից, իսկ 7,1 մլն դրամը՝ համայնքապետարանում աշխատանքի դիմաց վարձատրությունն է եղել։

Խուդաթյանն հայտարարագրել է նաև 19,4 մլն դրամի վարկային փոխառությունները, ընդ որում՝ վարկի մայր գումարի մնացորդը կազմել է 3.5 մլն դրամ։

Աղբյուր` Փաստինֆո