Փաստ ինֆո

ԱՄՆ-ում Ֆլորիդա նահանգից դեռահասը վիճել է հարազատների հետ Սուրբծննդյան նվերների անբավարար քանակի պատճառով եւ հաշվեհարդար տեսել քրոջ հետ: Այս մասին հայտնում է People-ը։

Միջադեպը տեղի է ունեցել Պինելլաս շրջանում կիրակի՝ դեկտեմբերի 24-ին: Երկու եղբայր ու քույրը՝ 14 — ամյա Դամարկուսը, 15-ամյա Դարկուսը և 23-ամյա Աբրիելը, մոր հետ գնացել են առևտրի կենտրոն՝ նվերներ գնելու։

Գնումներ կատարելուց հետո նրանք եկել են ընտանիքի տատիկի տուն, որտեղ պատրաստվում էին անցկացնել տոները։ Այնտեղ եղբայրները սկսել են վիճել, քանի որ Դամարկուսը կարծում էր, որ Դարկուսին ավելի շատ նվերներ են բաժին հասել։ Որոշ ժամանակ անց Աբրիելը հրամայել է նրանց դադարեցնել վեճը, «քանի որ Սուրբ Ծնունդ է»: Դրանից հետո Դամարկուսը վերցրել է ատրճանակը, կրակել քրոջ վրա և դուրս եկել տնից։

Որոշ ժամանակ անց Դարկուսը մեկ այլ ատրճանակով դուրս է վազել փողոց և կրակել Դամարկուսի վրա, որից հետո փախել է դեպքի վայրից։ Նրա քույրն ու եղբայրը տեղափոխվել են հիվանդանոց։ Աբրիելին բժիշկները չեն կարողացել օգնել։ Նա ուներ երկու մանկահասակ երեխա։ Նրա եղբայրը կայուն վիճակում է։

Ավելի ուշ Դարկուսը կապ է հաստատել մոր հետ և տեղափոխվել հոգեբուժարան, քանի որ դեպքից հետո «փորձել է ինքն իրեն վնաս պատճառել»։ Նրան մեղադրել են մահափորձի եւ հանցանշաններ կեղծելու մեջ։ Դամարկուսը մեղադրվում է դիտավորյալ ծանր հանցագործություն կատարելու մեջ։

Աղբյուր` Փաստինֆո