Փաստ ինֆո

Այսօր Հայաստանում չկա որևէ մարդ, որևէ կուսակցություն, այնպիսի ուժ, որ կարողանա միայնակ Հայաստանն այս իրավիճակից հանել: Անհրաժեշտ է ներքին թշնամանքը վերացնել, անհրաժեշտ է միասնական լինել` ուս-ուսի տված` այս իրավիճակից դուրս գալու համար: Պետք է կարողանան լիարժեք աշխատել, ոչ թե` կուսակցությունը հաղթել է, պետք է պաշտոն ունենալու համար դառնա կուսակցական, գուցե կուսակցական լինել չի ցանկանում, բայց Աստծու տված շնորհք ունի, բանիմաց է, խելացի, արդյունավետ է, 20 տարի աշխատում է: Այս մասին «Կենտրոն» ՀԸ եթերում ասել է ԲՀԿ առաջնորդ Գագիկ Ծառուկյանը:

«Մեր երկրին անհրաժեշտ են լավ դաշնակիցներ, որ կարողանանք լիարժեք մեր նպատակներին, ծրագրերին հասնենք: Մենք, այո, հարցեր ունենք, բայց պետք է մտածեննք` ուզում ենք արդյոք, որ Ռուսաստանը մեզ թշնամի լինի, թե` դաշնակից: Իհարկե ուզում ենք, որ դաշնակից լինի »,- նշեց Ծառուկյանը` հավելելով, որ պետք է լավ հարաբերություններ լինեն և' Ռուսաստանի, և' Արևմուտքի հետ, հարաբերությունները մեկը մյուսի հաշվին չպետք է լինեն: Գագիկ Ծառուկյանի խոսքով` իրեն պաշտոնը չի հետաքրքրում, ինքն իր ընտանիքի աշխատանքով ամեն ինչի հասել է, իրեն իր երկիրն է հետաքրքիր:

Անդրադառնալով ապօրինի գույքի բռնագանձման գործընթացների շուրջ աղմուկին` Ծառուկյանը նշեց, որ կան փաստաբաններ, որոնք զբաղվում են, օրենքը բոլորի համար է, բոլորը հավասար են օրենքի առաջ: Ծառուկյանի խոսքով` իրենք առավոտից երեկո աշխատում են, բիզնեսներ ունեն:

Աղբյուր` Փաստինֆո