Փաստ ինֆո

Մեզ համար չափազանց կարևոր է, որ Ադրբեջանի հետ սահմանի սահմանազատման գործընթացը կանխատեսելի լինի և դրա հիմքերը ֆիքսվեն խաղաղության պայմանագրում։ Այս մասին Իրանի ԱԳ նախարարի հետ համատեղ ասուլիսում ասաց Հայաստանի արտգործնախարար Արարատ Միրզոյանը։

«Մեզ համար քարտեզների հիշատակումը նման մի դրսևորում է՝ համոզվելու, որ որոշակի կանխատեսելիություն է ապահովվում։ Բայց մենք այս պահին պայմանագրի վերջնական տեքստ չունենք, հետևաբար չեմ կարող ասել, թե ինչ կլինի։ Այս պահին մենք քննարկում ենք քարտեզների ներգրավումը, որպեսզի սահմանազատման սկզբունք ամրագրելու փորձ լինի»,- նշել է Միրզոյանը։
Խոսելով այն մասին, թե արդյոք Ադրբեջանի ղեկավարությունը ճանաչում է Հայաստանի առաջարկած երեք սկզբունքները՝ նախարարը նշեց, որ ֆորմալ առումով այնքան էլ ճիշտ չէ ասել, որ սա զուտ Երևանի առաջարկն է:

«Այդ նույն սկզբունքների մասին հայտարարել է նախագահ Միշելը՝ հուլիսին կայացած հանդիպումից հետո։ Շատ ֆորմալ առումով, ասել՝ Ադրբեջանը ընդունել է, թե չի ընդունել՝ դիսկուրսը, ոչ հրապարակային զրույցներում՝ հարցի պարզունակ գնահատական կլինի, մենք պետք է առաջնորդվենք հրապարակային հայտարարություններով, հրապարակավ հայտարարված պայմանավորվածություններով, հատկապես որ անգամ հանրայնացված հաստատումների շուրջ, տեսնում ենք, դրանց, եթե ոչ չեղարկում, ապա՝ իրագործման հետևողականության բացակայություն։ Այսինքն, կրկնում եմ, իմ լավատեսությունը, որ խաղաղության պայմանագիրը կարող է իրականանալ և տեսականերեն կարող է չիրականանալ, ես կկանգնեի իրականանալու հավանականության վրա»։

Աղբյուր` Փաստինֆո