Փաստ ինֆո

Այս տարվա ընթացքում ձեռքբերումներ ունենք, կորուստներ էլ ունեցանք: ԱԺ այգում լրագրողների հետ զրույցում նշեց ԱԺ նախագահ Ալեն Սիմոնյանն ու ավելացրել, թե հուսադրող ձեւով են փակում տարին:

Նա, մասնավորապես, հուսադրող է համարել խաղաղության գործընթացի մասով, կարեւորել գերիների վերադարձը: «Պարզ է, որ դժվարին պահեր էլ ունեցանք, սեպտեմբերին Արցախի հայաթափումը: Մի խոսքով, հերթական տարին էր, որ բոլորով բոլորեցինք»,-ասաց նա:

ՀՀ ԱԺ նախագահը կարծում է, որ խաղաղության օրակարգը կյանքի կկոչվի. «Հիշում եք՝ պատերազմից անմիջապես հետո ասում էին, որ չենք կարողանալու բանակցել, որ խաղաղություն չի լինելու, բայց ակնհայտ է հիմա, որ խաղաղությունը երբեւիցե այսքան մոտ չի եղել: Ես լիահույս եմ»:

Դիտարկմանը, որ Ադրբեջանը վերջին մի քանի հանդիպումները տապալում է, Ալեն Սիմոնյանն արձագանքեց, որ պայմանագրի տեքտսը շատ ակտիվ քննարկվում է, եւ կառուցողական քննարկում է գնում:

«Նաեւ պայմանավորված է Ադրբեջանի ղեկավարության հայտարարություններով, որ իրենք ճանաչում են ՀՀ տարածքային ամբողջականությունը: Ինչ վերաբերում է չստացվող հանդիպումներին, այո, դա խնդիր է, բայց հանդիպումները եւ քննարկումները շարունակվում են եւ շարունակվելու են: Մենք բավականին մոտ ենք խաղաղության պայմանագրին եւ ռեալ խաղաղությանը»:

Աղբյուր` Փաստինֆո