Փաստ ինֆո

«Հայոց պատմության» 7-րդ դասարանի դասագրքում քաղաքական գծի ուղիղ արձագանքն է։ Այս մասին մամուլի ասուլիսին ասաց Մայր Աթոռ Սուրբ Էջմիածնի դիվանապետ Գերաշնորհ Արշակ արքեպիսկոպոս Խաչատրյանը։

Սրբազանի դիտարկմամբ՝ այն, ինչ տեղ է գտել դասագրքում, նախապատրաստվել է դեռևս տարիներ առաջ։ Այս մասին է վկայում դեռևս 2018թ մի շարք կազմակերպությունների զեկույցը, որտեղ անդրադարձ է կատարվել նաև կրթության ոլորտին, նշվել, որ պետք է ազատվել կարծրատիպերից։

«Մեր այսօրվա իշխանությունների բառապաշարում շատ հստակ է, թե իրենց բառարանում դա ինչպես է մեկնաբանվում։ Օրինակ՝ ազգային ինքնությունը որոշակիորեն կարծրատիպի արժեք ունի, Ցեղասպանության ընկալումը, պահանջատիրությունը, Հայ դատը կարծրատիպի արժեք ունի։ Առաջադրանքը հետևյալն է՝ բոլոր հնարավոր ճանապարհներով պետք է հրաժարվել այս «կարծրատիպերից»։ Այս առումով որևէ անակնկալ չէր կարող լինել, որ դասագրքում պետք է ընդգրկված լինեն այս հայեցակարգային հիմնադրույթները»,- նշեց Արշակ Սրբազանը։

Սրբազանը մանրամասնեց, որ «Հայոց պատմության» 7-րդ դասարանի դասագրքում Արարատ սարի սրբազան լինելու վերաբերյալ, Սուրբ Էջմիածնի մասին շատ կցկտուր հիշատակություն կա։

Արարատ սարի հիշատակությունը որոշակի պահանջատիրության հետ կապելը, ըստ Սրբազանի, մտավախություններ է առաջացնում որոշ մարդկանց մոտ։

«Ես կասկած չունեմ, որ սա քաղաքական գծի ուղիղ արձագանքն է դասագրքերի մեջ»,- նշեց Արշակ Սրբազանը։

Բացի այդ, գրքում նշված է, որ եկեղեցու հիմնադիրը Տրդատ թագավորն է. «Մենք էլ միամտորեն կարծում էինք, որ եկեղեցու հիմնադիրը Քրիստոսն է և առաքյալներն են քարոզել։ Մարդիկ ցանկանում են ներկայացնել, որ եկեղեցու հիմնադիրը Տրդատ թագավորն է»։

Աղբյուր` Փաստինֆո