Փաստ ինֆո

TikTok-ի թրենդը, որը ստացել է «Սուրբ Ծննդյան վաննա» անվանումը, ավելի շուտ կվնասի առողջությանը, քան տոնական տրամադրություն կստեղծի, վստահ է բժիշկ մանկաբարձ-գինեկոլոգ Կիարա Քինգը: Սոցցանցերի օգտատերերի նոր խանդավառության վտանգի մասին նա պատմել Է Metro-ին։

Քինգի խոսքով՝ ժողովրդականություն են վայելում այն տեսանյութերը, որոնցում կանայք վաննա են ընդունում գլինտվեյն հիշեցնող հեղուկով։ Նման էֆեկտի հասնելու համար ջրի մեջ գցում են բալի կամ նռան գույնի փոքրիկ ռումբեր, կիտրոններ, նարինջներ, խնձորներ, ինչպես նաև ավելացնում գինի կամ լոռամրգի հյութ։

Բժիշկը նախազգուշացրել է, որ բլոգերների դեղատոմսով նման փորձերը, ամենայն հավանականությամբ, կհանգեցնեն ոչ թե թուլացման, այլ հեշտոցային կանդիդոզի, որը կոչվում է նաև կաթնասնկախտ: Քինգը պարզաբանել է, որ Candida սունկը սովորաբար լիովին անվնաս է, սակայն շաքարի ներթափանցման դեպքում այն սկսում է արագ բազմանալ՝ առաջացնելով սեռական օրգանների քոր, այրվածք եւ այտուց, աննորմալ հեշտոցային արտադրություն եւ ցավոտ միզարձակություն:

Բժիշկը հավելել է, որ նմանատիպ ախտանիշները երբեմն առաջանում են բուրավետ պահպանակների կամ անձնական հիգիենայի միջոցների օգտագործման պատճառով:

Աղբյուր` Փաստինֆո