Փաստ ինֆո

«Դովեղ» ՖԱ ՀԿ-ի հիմնադիր Թաթուլ Հակոբյանը ֆեյսբուքյան իր էջում կատարած գրառմամբ տեղեկացրել է, որ ՀՖՖ նախագահի ընտրությունները իր ձայնը տվել է Արաս Օզբիլիսին։

 
Հիշեցնենք՝ ՀՖՖ նախագահ է վերընտրվել Արմեն Մելիքբեկյանը՝ ստանալով 20 ձայն։ Արաս Օզբիլիսը ստացել է 3 ձայն։

 
«Սիրելի Արաս, ընտրել եմ քեզ, դու մենակ չես և կցանկանայի քո ավագ ընկերը լինել։

 
Այսօր, դեկտեմբերի 23-ի կեսօրին մասնակցել եմ ՀՖՖ նախագահի ընտրություններին և, ինչպես գրել էի ավելի վաղ, իմ 1 ձայնը տվել Արաս Օզբիլիզին: Նախորդ տարի ՀՖՖ Գործկոմի անարդար ընտրությունից հետո որոշել էի չմասնակցել ՀՖՖ նախագահի ընտրությանը:
 
Երբ Արասը իր թեկնածությունը դրեց, կապվեց ինձ հետ և հանդիպում առաջարկեց: Իմ և Արասի միջև տեղի է ունեցել երկու հանդիպում, որի ընթացքում նա ներկայացրել է իր պատկերացումները հայկական ֆուտբոլի, մասնավորապես՝ մանկապատանեկան և մարզային ֆուտբոլի զարգացման շուրջ:
 
Ես Արասին ասացի, որ անիմաստ է մասնակցել ընտրություններին, որովհետև դրանք արդեն ավարտվել են: Ավելին, խորհուրդ տվեցի վերջին պահին հանել թեկնածությունը, եթե հաղթելու հավանականությունը շափ փոքր է: Արասը խնդրեց, որ ես դեկտեմբերի 23-ին գնամ ընտրության և իրեն ձայն տամ: Արասը ինձ վրա պարկեշտ, լավ մարդու տպավորություն թողեց: Ես նրան երբեք չէի հանդիպել, ընդամենը հետևել եմ նրա ֆուտբոլին:
 
Արասին խոստացա, որ կգնամ և կընտրեմ իրեն և նաև շեշտեցի, որ քվեարկելու եմ ոչ թե «Ուրարտու» ֆուտբոլային ակումբի կողմից առաջադրված թեկնածու Արաս Օզբիլիզի, այլ հենց Արաս Օզբիլիզի օգտին՝ որպես անհատ և որպես տաղանդավոր ֆուտբոլիստ: Մենք բարեկամաբար հիշում ենք, որ երկու տարի առաջ «Ուրարտու»-ն, ցավոք, մաս կազմեց մի շարք այլ ֆուտբոլային ակումբների և ՀՖՖ այս ղեկավարության ցուցումով ապօրինաբար կասեցրեց մեր անդամակցությունը հայկական ֆուտբոլային ընտանիքին: Կարճ ժամանակ անց մեր անդամակցությունը վերականգնվեց»,- գրել է Թաթուլ Հակոբյանը:

Աղբյուր` Փաստինֆո