Փաստ ինֆո

Հայաստանյան ձկնաբուծության ոլորտը մրցում է ՌԴ-ում՝ թուրքական ձկան հետ։ Թուրքիայի կառավարությունը դոտացիա է տալիս թուրքական ձկնաբույծներին, որ էժան մուտք գործեն ռուսական շուկա։ Առանց այն էլ՝ մեր ձուկը թանկ է, բայց կարողանում է որակի հաշվին մրցակցել, բայց այսօր գլխավոր մրցակցի՝ թուրքական ձկնաբույծների հետ այս մարդիկ անմրցունակ են լինելու։ Փաստացի կառավարության ղեկավարն ասաց, որ մեզ ձկնաբուծություն պետք չէ, պետք է՝ ջուր։ Այսինքն՝ այս ոլորտը կարող է պարալիզացվել, ոլորտը, որը հազարավոր աշխատատեղեր է ապահովում։ Մենք դուռ ենք բացում թուրքական ձկա՞ն համար, որ ԵԱՏՄ շուկայում ավելի լա՞վ տարածվի։ Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը։

Ինչպես արդեն տեղեկացրել ենք՝ ձկնաբույծներն այսօր բողոքի ակցիա են իրականացնում կառավարության շենքի մոտ։ Ձկնաբույծները պահանջում, որ իշխանությունները թույլ տան աշխատել։

Գառնիկ Դանիելյանը լրագրողների հետ զրույցում նկատեց՝ այս մարդիկ վարկեր են վերցրել, ձկնաբուծությունը գյուղատնտեսության միակ ճյուղն է, որ աճ է գրանցում և արտահանմանը միտված ոլորտ է։

«Փաստացի ապօրինի և տիրազուրկ հազարավոր հողերի, որից ահռելի քանակությամբ ջուր է գնում, հարցը լուծեն, կրճատեն ջրի կորուստները, ձկնաբույծների ջուրն են կրճատում, ինչն աշխատանքի լուրջ խոչընդոտ է։ Առաջնահերթ պետք է ապօրինի և տիրազուրկ հազարավոր հողերի հարցը լուծել»,- նշեց նա։

Աղբյուր` Փաստինֆո