Փաստ ինֆո

Նիկոլ Փաշինյանն ու գործող իշխանությունը Գյումրիի այս այցով ցույց տվեցին, որ իրենց մոտ շատ լավ ստացվում է վայելել այն ամենն, ինչ այս ընթացքում հաջողացրել են ձեռք բերել թալանով։ Այս մասին «Փաստինֆոյի» հետ զրույցում ասաց գյումրեցի իրավապաշտպան Կարապետ Պողոսյանը։

«Քաղաքում շրջելիս տեսնում ենք, թե ինչքան թանկարժեք մեքենաներ են եկել, ընդ որում՝ դրանք ոչ միայն ծառայողական մեքենաներ են, այլ նաև անձնական մեքենաներ կան թանկարժեք հյուրանոցների ու ռեստորանների դիմաց կայանած։ Ակնհայտ է, որ իրենք վայելում են կյանքը, բայց միաժամանակ, վայելում են այն արհամարհանքն ու հայհոյանքը, որ իրենց բաժին է հասել այս տարիներին իրենց գործունեության ընթացքում»,- նշեց իրավապաշտպանն ու ավելացրեց. «միաժամանակ, շատ հետաքրքիր բան կատարվեց...այն մասը, որ դեռ մտածում էր, թե ի դեմս Փաշինյանի՝ գործ ունեի ժողովրդի ծոցից դուրս եկած ինչ-որ մեկի հետ, ով ինքն էլ ցավ է ապրում ստեղծված իրավիճակից, ու դեռ որոշակի համակրանք ունեին Նիկոլ հանդեպ՝ այս օրերին, այդ ավելորդ ճոխություններով, վայելքներով Փաշինյանը կարողացավ նաև այդ հատվածին են վանել ու նաև նրանց արհամարհանքին են արժանանալ»։

Նրա խոսքերով՝ սովորական շարքային փողոց մաքրող գյումրեցին, որ դեռ մտածում էր, թե Նիկոլն իրենն է՝ այսօր տեսավ, որ վաղուց այլևս իրենը չէ։ Գյումրեցին տեսավ «այն բոշեքին, որոնք այսօր փաշա են դարձել ու փորձում են իրենց բոշությունը մոռանալ»։

Պողոսյանը նաև պատմեց, որ Գյումրիի փողոցները այս օրերին դատարկել են մարդկանցից ու ավտոմեքենաներից։ «Մեր կողմից խելոքացված պարեկները երեկվանից շատ աշխույժ ելումուտի մեջ են, հրապարակներ են փակում, փողոցներ են փակում։ Եթե մոտ 20 մետր պետք է Փաշինյանը ոտքով քայլի, որ հասնի հյուրանոց, ապա դրա համար ամբողջ Վարդանանց փողոցը ոստիկանները փակում են բոլոր կողմերից։ Այսինքն, մարդիկ տեսնում են նաև Նիկոլի վախերը։ Իրենց վարչապետը, որը նախկինում հանգիստ կանգնում՝ բարևում էր բոլորին, այսօր արդեն փախչում է կիլոմետրերով։ Ճանապարհները փակում, որ հանկարծ որևէ մեկը չկարողանա իրեն մոտենալ։

«Այնպես, որ ես՝ որպես հայ մարդ, այս այցը շատ դրական եմ գնահատում։ Նա կարողացավ «փայլել» իր ամբողջ «շքեղությամբ» ու թշվառությամբ, իր վախերով, ու թալանով, և թալանածը վայելելու անհագուրդ ցանկությամբ ու հասարակության հանդեպ արհամարհանքով։ Մարդիկ տեսան, որ իրենց ճանաչած ՔՊ-ականները, որ հայտնի էին մարդկանց ավտոների հետևից վազելով, բամբասելով՝ այսօր Գյումրի են եկել 2023 թ-ի արտադրության 300 հազար դոլարանոց մեքենաներով։ Մարդիկ, իհարկե, հասկանում են, թե դրանք ինչ գումարներ են»,- նշեց իրավապաշտպանը։

Հարցին, թե արդյոք Գյումրիի այս այցը պայմանավորված էր ՔՊ-ի և «Բալասանյան» դաշինքի «ապահարզանի» հետ՝ նա նշեց, որ իրականում այդ ապահարզանը ձևական էր։ «Դա արվեց 2024 թ-ի արտահերթ ընտրություններում 2 ֆրոնտով ՔՊ-ին ձայներ բերելու համար։ Այսինքն, այնտեղ չկային քաղաքական կամ սկզբունքային հակասություններ, իրենք շատ լավ միմյանց հետ համագործակցում են, այդ պրոցեսների տակ որևէ լուրջ բան պետք չէ փնտրել։

Ես, կարծում եմ, որ սա ավելի շատ չհայտարարված նախընտրական քարոզարշավ է՝ 2024 թ-ի արտահերթ ընտրություններին ընդառաջ»,- արձանագրեց Պողոսյանը։

Աղբյուր` Փաստինֆո