Փաստ ինֆո

Նախօրեին հայտնի դարձավ, որ սրտի կանգից մահացել է սիրված երգիչ Արա Մարտիրոսյանը։ Նա 46 տարեկան էր։

Երգիչը մահացել է «Նաիրի» ԲԿ-ում, ուր այցելել էր հերթական անգամ հետազոտում անցնելու նպատակով։ Մինչ այս նա սրտի մի քանի վիրահատության էր ենթարկվել։

Հիշեցնենք, որ անցած ամիս կյանքից հեռացել էր երգչի մայրը:

Սոցիալական տարբեր հարթակներում երգչի ընկերները, հարազատներն ու պարզապես երկրպագուները կիսվել են նրա մասին հիշողություններով, կատարումներով։

 «Փաստինֆոն» հավաքել է այդ գրառումներից մի քանիսը։  

Դերասանուհի Նազենի Հովհաննիսյանը ֆեյսբուքյան իր էջում գրել է.

«Բարկացած մտքերս եմ հավաքում, որ գրեմ, ու չգիտեմ էլ ինչ գրել ... ինչքան գոռալ կամ ում դիմել.... շաղված պատկերով փորձում եմ անմահացած պատկերը մահվան համար դնել- կյանքի աբսուրդ:

Էս Սև շղթան մահաբեր՝ ավերջ է կարծես,ու հետքն էլ սևագույն է...(

Արա Մարտիրոսյանը...

Խեղդեց խոսքերս ... չգիտեմ ինչ ասել:

Բարկացած եմ, շատ  սրտանց ցավախեղդ եղած արդեն  ամեն բանից....

Լույս թող իջնի հոգուդ ընկեր(....

Հ.Գ. ու թվում է չկա արդեն տարածություն, որտեղ կյանք ու սեր կա...»

Երգչի պրոդյուսեր Լիլիթ Գալստյանը տեսանյութ է հրապարակել Մարտիրոսյանի հետ և կից գրել.

«Իմ ԱՐՈ ... Թևաթափ եմ .......ուժասպառ........»

Ադրբեջանագետ Անժելա Էլիբեգովան պատմել է, թե ինչ հանգամանքներում է 44-օրյա պատերազմի օրերին ծանոթացել երգչի հետ.

«44-օրյայի ժամանակ Արաքսը զանգեց՝

-Անժ, Արայիկը էլի գնում ա, հարցնում ա ում ինչ ա պետք, ասա

-... կքշի՞

-հա

քշեց, հասցրեց ինչ պետք էր։ Հետո արդեն որպես երգիչ ճանաչեցի...»

Իրավաբան Ռոբերտ Հայրապետյանն էլ գրել է.

«Արայի հետ առաջին անգամ անձամբ շփվել եմ 44-օրյայի ժամանակ...շատ բան էր անում...լուռ։  Մահը դարձել է սովորական վիճակագրություն...»

Վերջին մեկ տարվա ընթացքում խոսվում էր Արա Մարտիրոսյանի և նոր սիրելիի՝ Ալլայի հարաբերությունների մասին, որը սակայն ամիսների կյանք ունեցավ:

Կինն իր ինստագրամյան էջում հրապարակել է Արայի լուսանկարը`կցելով «Սեր կա» երգը:

Երգչուհի Սոֆի Մխեյանը ֆեյսբուքյան իր էջում գրել է.    

«5 օր առաջ գրառում էի արել...

«Ապրեք, արարեք,սիրեք ու շաաա՜տ սիրեք) մի չարացեք, ներեք, գնահատեք ու ամենակարևորը Շնորհակալ եղեք...)

Ես՝ Շնորհակալ եմ

Խաղաղություն ու Շատ Սեր բոլորիս )

Հ.Գ Սիրեք ու գնահատեք ձեր հարազատներին,ընկերներին,արտիստներին, ԱՅՍՕՐ ու ՀԻՄԱ) վաղը երբեք չգիտես ինչ է լինելու » վաղը եկավ ,  վայրկյանի ընթացքում... սիրտը կանգ առավ, ու Կյանքը ավարտվեց...

... հարյուր հազարավոր ափսոսանքի խոսքեր, ցավ,կորուստ, կրկին ափսոսանք....

Օրեր անց,արդեն երևի ժամեր անց, կմոռանանք շատ արագ ամեն բան ու կանցնենք իրար կրկին «միս ուտելուն» ,«անեցքով ու հայհոյանքով կլցնենք համացանցը » կապ չունի թեման , հաստատ մի բան , մի երևույթ ու մի «ՄԱՐԴ» կգտնենք փնովելու, ցավեցնելու համար(

... ու սենց մինչև հաջորդ վաղը՝ կանգառը(((

Արա ջան լայն ու մեծ սրտով Մարդ) Բարի ճանապարհ քեզ ...»

Երգչի անժամանակ մահվանն անդրադարձել է նաև փաստաբան Մարինե Ֆարմանայանը, նա ֆեյսբուքյան իր էջում գրել է.

«Երգիչ Արա Մարտիրոսյանի վաղաժամ մահը ցնցել է բոլորիս: Չենք կարողանում հասկանալ, թե ի՞նչ է կատարվում: Հայկոն, Արան և նման տաղանդավորները ինչու՞ են անժամանակ հեռանում: Մեծամասնության սթորիներում, ռիլզերում անկեղծ սուգ է:

Բայց եկեք մտաբերենք, թե տարիների ընթացքում այս և ուրիշ մարդկանց մասին ինչպիսի բամբասանքների ականատեսն ենք եղել:

Հայերս մահացածի ետևից ընտիր սուգ անող ենք, բայց մարդուն իր կենդանության օրոք քարկոծելու մեծ վարպետներ ենք :

Երգիչ Սարոն Ինստագրամի սթորի բաժնում հրապարակել է Արա Մարտիրոսյանի լուսանկարը՝ գրելով․

«Արո ջան, մեռնեմ կյանքիդ»։

Դերասանուհի Անահիտ Մութաֆյանն էլ հրապարակել է երգչի լուսանկարը՝ գրելով.

«Գույները պակասում են...

Արա...»

Մարտիրոսյանի ծառայակի ընկերներից մեկը՝ Սեւակ Մուսաթյանն էլ պատմել է իր հիշողություններում տպավորված դեպքերից մեկը.

«Մի ուրիշ` տարբերվող Արա Մարտիրոսյան...

Մարտիրոսյան Արան մեկ տարվա ծառայող էր արդեն, երբ ես զորակոչվեցի Արմավիրի ուսումնական կենտրոն(«Հոկտեմբերյանի ուչեբկա»)։

Մի օր,երբ նստած զրուցում էինք, հանկարծ տեղից վեր կացավ,գնաց իրենց զորանոց և վերադարձավ մի գիրք ձեռքին։

Թե` Սևակ, այս գիրքը նվիրում եմ քեզ, որովհետև այն քեզ ավելի պետք կգա, դու կարդացող տղա ես։

Այդ հրաշալի գրքի անունն է` «Альфа и омега», այն արդեն 27 տարի «Սուրբ Սրբոցի» նման պահում եմ, համարյա ամեն օր կարդում, որովհետև այնտեղ ինձ հետաքրքրող համարյա ամեն ինչ կա...

Ու կպահեմ միշտ...

Շատ ափսոս, ախպեր ջան...

Աստված հոգիդ լույսերի մեջ պահի, ամեն ինչի տեղն իմացող, նրբանկատ, հայրենասեր ու տաղանդավոր, ինձ համար միշտ` մեր «մուզզվոդի» Արո...»

Աղբյուր` Փաստինֆո