Փաստ ինֆո

Հայաստանի և Ռուսասատանի միջև ապրանքաշրջանառությունը հունվար-սեպտեմբեր ամիսներին աճել է 43,5%-ով և հասել 4,4 մլրդ դոլարի։ Այս մասին այսօր հայտարարել է է ՌԴ փոխվարչապետ Ալեքսեյ Օվերչուկը՝ փոխանցում է Риа Новости-ն։

«Ռուսաստանը Հայաստանի առաջատար առևտրային գործընկերն է։ 2023 թվականի ինն ամիսներին մենք 43,5%-ով գերազանցել ենք նախորդ տարվա ցուցանիշները և հասել 4,4 մլրդ ԱՄՆ դոլարի ծավալի։ Ավելին, մենք այժմ փաստացի հավասարության ենք հասել մեր առևտրում»,- ասել է Օվերչուկը Երևանում տեղի ունեցած տնտեսական համագործակցության հայ-ռուսական միջկառավարական հանձնաժողովի 22-րդ նիստի ժամանակ։

Նրա խոսքով, երկկողմ համագործակցության ամենադինամիկ զարգացող ուղղություններից մեկը զբոսաշրջությունն է։ «2023 թվականի հունվարից մինչև սեպտեմբեր ընկած ժամանակահատվածում Հայաստանից դեպի Ռուսաստանի Դաշնություն է իրականացվել 269 հազար զբոսաշրջային ուղևորություն, իսկ մեր տվյալներով՝ Հայաստան է եկել 843 հազար ռուս զբոսաշրջիկ»,- ասել է Օվերչուկը։

Նա հավելել է, որ երկու երկրներն էլ պատմական, բարեկամական հարաբերություններ ունեն՝ հիմնված փոխադարձ հարգանքի սկզբունքների վրա։

«Մենք և Հայաստանը դաշնակիցներ ենք, իհարկե, մեր դաշնակցային փոխգործակցության բարձր դինամիկան սահմանում է ամենաբարձր մակարդակով ինտենսիվ և վստահելի երկխոսությունը»,- ասել է ՌԴ փոխվարչապետը։

Աղբյուր` Փաստինֆո