ԲՈԼՈՐ ՆՅՈՒԹԵՐԸ
Սարուշենը 16 զոհ է ունեցել, մեծ թվով գյուղացիներ վիրավորվել են, որոնցից մի քանիսին իր մեքենայով տեղափոխելիս վիրավորվել է նաեւ գյուղապետը, բայց շարունակել է վարել մեքենան 12/14/2023 20:40 | Ցեղասպանություն՝ Արցախում
Սեպտեմբերի 19-ին Ասկերանի շրջանի Սարուշեն գյուղի բնակիչների՝ ադրբեջանական ահաբեկչական ստորաբաժանումներին ցույց տված հերոսական դիմակայության մասին սերունդները դեռ պատմելու են։ Գյուղի մատույցներին մոտեցող թշնամու հարյուրավոր զինվորներին կանգնեցնելու համար գյուղի բոլոր տղամարդիկ զենք էին վերցրել․ միայն սեպտեմբերի 19-ին թշնամու առաջխաղացումը կասեցնելու ժամանակ Սարուշենից 10 հոգի զոհվել են, վիրավորվել՝ մեծ թվով գյուղացիներ։
«Առավոտյան ժամը 11-ի կողմերն ենք նկատել , որ ադրբեջանական հետիոտնը չորս-հինգ ուղղություններով շարժվում է դեպի գյուղ։ Քանի որ մեր մարդկային ուժը շատ քիչ էր, չպահվող շատ դիրքեր կային․ դիրքերը միմյանցից 3-4 կմ հեռու էին։ Ադրբեջանցիներն էլ, օգտվելով դրանից, անտառի միջով՝ էդ չպահվող դիրքերի ուղղությամբ առաջ էին գալիս։ Ամեն մի ուղղությամբ հարյուրից ավել զինվոր էր գալիս․․․»,- «Փաստինֆո»-ին պատմում է Ասկերանի շրջանի Սարուշեն գյուղի ղեկավար Կարեն Գասպարյանը։
Տեսնելով, որ դիրքերում գտնվող զինվորականները չեն կարող միայնակ կասեցնել թշնամու առաջխաղացումը, Գասպարյանը աշխարհազորին հրահանգում է անհապաղ օգնության շտապել տղաներին։
«Աշխարհազորը, գյուղում ինչքան զենք բռնելու ունակ տղամարդ կար իջել են գյուղի ներքևի մասը, որ գյուղը պահենք, թշնամին չկարողանա գյուղ մտնել։ Մենք էն չպահվող հատվածներում էինք դիրքավորվել։ Բայց մոտավորապես ժամը 13-13։30-ի կողմերը նրանց հրետանին սկսել է արդեն հրետակոծել։ Մեր կոորդինատները հստակ գիտեին, ուղիղ խփում էին մեզ վրա։ Տեսնելով, որ շատ ենք զոհ տալիս ու հնարավոր չի էդպես շարունակել, նահանջելով հասնելու ենք գյուղ, տղաներին ասել եմ՝ ինչքան հնարավոր է պահեն, մինչև բնակիչներին տարհանենք։ Բարեբախտաբար, դեպի Մսմնա գնացող այլընտրանքային ճանապարհ էինք սարքել, էդ ճանապարհով գյուղացիները կարողացել են դուրս գալ»,-մանրամասնում է գյուղապետը։
Համոզվելով, որ գյուղում մարդ չի մնացել, բոլորը տարհանվել են՝ Գասպարյանը կրկին իջնում է տղաների մոտ՝ վիրավորներին տարհանելու․
«Արդեն զոհեր էլ ունեինք։ Իրենց չի ստացվում հանել, քանի որ ադրբեջանցիները վերցրել էին այդ դիրքերը։ Վիրավորներին դնում եմ մեքենայիս մեջ, որ հանեմ, կրակում են ու մեքենան պայթեցնում․․․ Մեկ այլ մեքենայով երեք վիրավորի մի կերպ հանում եմ։ Գլխավոր ճանապարհով փորձում եմ հասցնել Ստեփանակերտ, իսկ այդ ընթացքում տղաները դիմադրում էին։ Չհասած Խաչմաչի խաչմերուկ՝ հասկանում եմ, որ ադրբեջանցիներն արդեն տարածքում են, էդ մասերը վերցրել են, ճանապարհն էլ փակել։ Մեքենայի վրա կրակում են, մեջքից վիրավորվում եմ, բայց ի վիճակի եմ լինում քշել։ Հետ եմ դառնում ու այլընտրանքային ճանապարհով գնում, վիրավորներին հասցնում Ստեփանակերտ։ Իմ վնասվածքը բեկորային էր, վիրակապում են ու դուրս եմ գալիս դեպի Մսմնա»։
Այդ ընթացքում գյուղացիներից մեկը որոշում է վիրավորված բարեկամին իր մեքենայով հասցնել Ստեփանակերտ։ Քանի որ կապ չկար ու տեղյակ չէր, որ Խաչմաչի մոտ ճանապարհը փակել են ադրբեջանցիները, գնում է այդ նույն՝ գլխավոր ճանապարհով։ Այստեղ ադրբեջանցիները սպանում են երկուսին էլ։ Մինչ այդ, նույն հատվածում թշնամու զինվորները սպանել էին Սարուշենի ևս մեկ բնակչի՝ քաղաքացիական անձի։
«Որ գյուղացիներին ասում եմ շարժվեք դեպի Մսմնա, զգուշացնում եմ, որ հանկարծ հիմնական ճանապարհով չգնան ու նաև ավելացնում՝ բեռնատար մեքենա ևս չնստեն, քանի որ գրեթե համոզված էի, որ կրակելու են մեքենայի վրա, եթե նկատեն։
Չգիտեմ, թե ինչ է մտածում գյուղացիներից մեկը՝ Գրիգորյան Շաբոն, բեռնատարը «խոդ է տալիս», որ հիմնական ճանապարհով դուրս գա գյուղացիներին ընդառաջ ու հասցնի Մսմնա։ Խաչմաչի խաչմերուկ համարյա հասած՝ իրեն էլ են սպանում»,-պատմում է Գասպարյանը։
Սարուշենի բնակիչները Մսմնայում մի քանի ժամ են մնում․ սեպտեմբերի 19-ի գիշերը բոլորը տարհանվում են դեպի Ստեփանակերտ՝ մի մասը դպրոցների նկուղներ, մի մասը՝ Իվանյանի օդանավակայան։
«Միկրոավտոբուս եմ գտնում մի կերպ ու մի քանի ռեյսով մարդկանց հանում Մսմնայից։ Վերջին ռեյսին մեքենայի ուղղությամբ ադրբեջանցիներն էլի կրակում են, բայց բարեբախտաբար չի կպչում։ Կրակոցների ձայնը լսում եմ, բայց արդեն հեռացած ենք լինում»,-պատմում է Սարուշենի գյուղապետը։
Չորս օր անց միայն հաջողվում է հանել Սարուշենի մատույցների մոտ հերոսաբար ընկած գյուղացիների մարմինները։
«Մինչև վերջ պահել ենք գյուղը։ Վերջում, որ արդեն կանգնեցվել էին ռազմական գործողությունները, տասից ավել տղամարդ դեռ գյուղի ներքևում էին, թույլ չէին տվել, որ թշնամին գյուղ մտնի։ Որ գնացել եմ զոհվածների մարմինները հանելու, ադրբեջանցիները գյուղ դեռ չէին մտել․ ճանապարհներին պոստեր էին դնում»,-հիշում է Կարեն Գասպարյանը։
Այսպիսով՝ միայն Սարուշենը 16 զոհ է տալիս այդ ընթացքում, որից չորս հոգի զոհ է գնում պայթյունին։
Հարակից հրապարակումներ`
Տեսանյութեր
09/07/2024 08:59 Զինվորականների գույքի օրինականությունն ուսումնասիրվում էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/19/2024 08:22 Ռեպրեսիաներ՝ 37-ի ոգով. «պատժվել» է նաեւ պետական մեղադրողը. «Ժողովուրդ»
- 09/19/2024 08:20 Գնաց՝ չվերադառնալու պայմանով․ «Հրապարակ»
- 09/19/2024 08:17 Ինչ է ասում Բագրատ սրբազանը նեղ շրջապատում․ «Հրապարակ»
- 09/19/2024 08:13 Ագրարայինի ռեկտորի պարտականությունները կատարողը կաղում է տարրական հանրահաշվից․ «Հրապարակ»
- 09/19/2024 08:09 Ոսկու գողություն, կնոջ առեւանգում, սպանություն. ենթադրյալ հանցագործները սկսել են գործել ԱԱԾ համազգեստներով. «Ժողովուրդ»
- 09/19/2024 08:08 Իշխանական ողջ ռեսուրսը գործի է դրվել ներարցախյան խժդժություններ հրահրելու ուղղությամբ․ «Հրապարակ»
- 09/19/2024 08:03 Երբ բնապահպանական փորձանք դարձած երկիրն է բնապահպանական համաժողով անցկացնելու. «Փաստ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/19/2024 20:39 Եթե Փաշինյանը կարողանար, դեռ 2018-ի մայիսի 3-ին դուրս կգար ՀԱՊԿ-ից, բայց Հայստանն իր սեփական հողամասը չի, որ ինչ ուզենա, երբ ուզենա՝ ցանի. Ձյունիկ Աղաջանյան
- 09/18/2024 11:30 Զրույց Բագրատ Սրբազանի հետ. Վահե Հովհաննիսյան
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
Մեկնաբանություն
- 09/19/2024 17:42 Մեծ հաշվով, ես ասելիք չունեմ դատարանին. ես խնդրանք ունեմ Աստծուց. Հրայր Թովմասյան
- 09/19/2024 16:24 ԼՂ-ի հայերի վերադարձի իրավունքն ամրագրվել է Արդարադատության միջազգային դատարանի կողմից. Հայաստանում Ֆրանսիայի դեսպան
- 09/19/2024 13:20 Ին՚չ լրատվություն էր տալիս մեկ տարի առաջ այս օրը ՀՀ ՊՆ -ն . Մանուկյան
- 09/18/2024 18:29 «Գայլ» անունով ներկայացող հաքերը սքրինշոթեր է հրապարակել կառավարության բաց ftp սերվերից ու փրկագին պահանջել՝ սկզբում 2,5 միլիոն դոլարի, ապա 30 հազար. Արթուր Պապյան
Արխիվ
Արտակարգ պատահարներ
- 09/19/2024 22:39 «Վայոց Ձոր» բժշկական կենտրոնում 32-ամյա ծննդկանի երեխան մահացած է ծնվել
- 09/19/2024 22:26 1 օրվա ընթացքում արձանագրվել է 10 վթար, 2 մարդ զոհվել է, 11-ը՝ ստացել վնասվածքներ
- 09/19/2024 19:34 Էջմիածնում բախվել են մեքենաներ․ 1 հոգի տեղափոխվել է հիվանդանոց
- 09/19/2024 17:25 Սիսիան-Տաթև ավտոճանապարհին բեռնատար է կողաշրջվել․ կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 09/19/2024 21:21 Ուսուցչուհին սեռական հարաբերություն է ունեցել 15-ամյա պատանու հետ․ Նա մեղադրվել է նաև թմրանյութեր և պոռնոգրաֆիկ նյութեր տրամադրելու մեջ
- 09/19/2024 18:31 Տղամարդը իր տան աշխատակցուհիներին ամիսներով փակել է վանդակում՝ սեռական հաճույք ստանալու համար
- 09/18/2024 22:51 Բացահայտվել են մինչև 27 տարեկան մարդկանց գլխավոր սեռական խնդիրները
- 09/17/2024 22:18 Բժիշկը բացահայտել է ավելորդ քաշի ավելացման քիչ հայտնի պատճառը
Հետաքրքիր է իմանալ
- 09/18/2024 18:11 Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել
- 09/14/2024 18:58 Աշխարհի ամենաթերագնահատված երկիրը՝ ըստ փորձառու զբոսաշրջիկի
- 09/13/2024 21:08 Տղամարդու առնանդամը վերածվել է ոսկորի՝ հազվագյուտ հիվանդության պատճառով
- 09/13/2024 15:01 Ճնշում, գլխացավ, թուլություն. խրոնիկ հիվանդներին զգուշացնում են՝ այսօր և վաղը մագնիսական փոթորիկներ են սպասվում