Փաստ ինֆո

Հայաստանը կենսականորեն շահագրգռված է տարածաշրջանային հաղորդակցության բոլոր ուղիների բացման և տրանսպորտային փոխկապակցվածության խթանման՝ մեջ համաձայն միջազգային իրավունքի նորմերի և պետությունների ինքնիշխանության ու իրավազորության նկատմամբ լիակատար հարգանքի հիման վրա։ Այս մասին այսօր Դեպի ծով ելք չունեցող զարգացող երկրների նախարարական հանդիպման ընթացքում ասաց ՀՀ ԱԳՆ Արարատ Միրզոյանը։

Նա ընդգծեց, որ ՀՀ կառավարության ներկայացրած «Խաղաղության խաչմերուկ» ծրագիրը հանդիսանում է Հարավային Կովկասում խաղաղության և կայունության հաստատման Հայաստանի օրակարգի հիմնասյուներից մեկը։ «Այն նպատակ ունի կապել Արևելքն ու Արևմուտքը, Հյուսիսն ու Հարավը, և տնտեսական ու մշակութային առնչությունների ամրապնդման միջոցով նպաստել քաղաքական երկխոսությանը և հասնել տարածաշրջանում համապարփակ և կայուն խաղաղության՝ հօգուտ բոլոր ժողովուրդների»։

Միրզոյանի դիտարկմամբ՝ Հայաստանի կառավարությունը ձեռնարկում է և պատրաստ է շարունակել իր ակտիվ ջանքերը՝ արդիականացնելու առկա հաղորդակցության և տրանսպորտային ուղիները և կառուցելու նորերը։ «Դրա վառ օրինակ է Հյուսիս-Հարավ մայրուղու շինարարությունը, որը բարձր առաջնայնություն ունեցող ռազմավարական ծրագիր է մեր երկրի համար և կապահովի ոչ միայն Հայաստանի հյուսիսային և հարավային շրջանների միջև կապը, այլև նշանակալի ձևով կնպաստի Պարսից ծոցի և Սև ծովի միջև փոխկապակցվածությունը՝ դառնալով կարևոր տարանցիկ հանգույց՝ Արևմտյան Ասիայի և Արևելյան Եվրոպայի միջև։

Հայաստանը պատսատ է վերականգնել և վերագործարկել Գյումրի-Կարս, Հրազդան-Կապան, Նռնաձոր – Ագարակ, Երասխ-Նախիջևանի սահման երկաթգծերը։ Ուզում եմ ևս մեկ անգամ նշել, որ Խաղաղության խաչմերուկը ոչ թե գալիս է մրցակցելու տարածաշրջանային այլ լոգիստիկ նախագծերի հետ, այլ լրացնելու առկա հնարավորությունները»։

Աղբյուր` Փաստինֆո