Փաստ ինֆո

Տիեզերագնացը քաղել է տիեզերքում աճեցված լոլիկն ու կորցրել այն՝ մասին գրում է CNN-ը։

Ամերիկացի տիեզերագնաց Ֆրենկ Ռուբիոն Միջազգային տիեզերակայանում հետաքրքիր միջադեպի կենտրոնում է հայտնվել: Նա քաղել է լոլիկներից մեկը, որը գիտնականներին հաջողվել էր աճեցնել տիեզերակայանի ներսում՝շնորհանդեսին ժամանակ այն ցույցադրելու համար, բայց ավելի ուշ չի կարողացել գտնել պտուղը: «Ես այն դրեցի մի փոքրիկ տոպրակի մեջ, քանի որ իմ գործընկերներից մեկը առցանց միջոցառում էր անում դպրոցականների հետ, և ես մտածեցի, որ լավ կլիներ ցույց տալ լոլիկը երեխաներին և ասել. «Տղե՛րք, սա տիեզերքում աճեցված առաջին լոլիկն է»: Ես բավականին վստահ էի, որ տոպրակն ամրացրել եմ, բայց երբ վերադարձա, այն չկար», - ասել է Ռուբիոն:

Նշենք, որ տիեզերքի միկրոգրավիտացիայի պայմաններում ցանկացած բան, որը կցված չէ տիեզերակայանի մակերեսին, կարող է հեռու լողալ և կորչել հեռավոր անկյուններում:

Հաղորդվում է, որ լոլիկի «կորուստը» գրանցվել է դեռ հոկտեմբերի 27-ին։ Ռուբիոն նշել է, որ իր ազատ ժամանակի 8-ից 20 ժամը ծախսել է լոլիկի որոնումների վրա։

«Ցավոք սրտի, մարդկային էությունը այնպիսին է, որ շատերն ասում են՝ «երևի լոլիկը կերել է»։ Եվ ես ուզում էի գտնել այն հիմնականում ապացուցելու համար, որ ես լոլիկը չեմ կերել»,-պարզաբանել է Ռուբիոն։

Այնուամենայնիվ, տիեզերագնացը չի կարողացել գտնել լոլիկն ու վերադարձել է Երկիր։

Միայն երեկ կայացած ասուլիսի ժամանակ հաղորդվել է, որ Ռուբիի լոլիկը վերջապես հայտնաբերվել է։

Աղբյուր` Փաստինֆո