Փաստ ինֆո

ՔՊ-ական պատգամավոր Գևորգ Պապոյանը չի տիրապետում տեղեկության, թե 32 գերիների վերադարձի վերաբերյալ գործընթացն ինչ փուլում է։ Գևորգ Պապոյանը լրագրողների հետ զրույցում ասաց, որ այդ մասով որևէ ժամկետ հստակ նշված չի եղել, միայն ենթադրեց, որ գործընթացը կլինի նույն պահին՝ 32 հայ գերիներ կգան, 2 ադրբեջանցի՝ կգնա։

Իսկ թե արդյո՞ք բացառվում է, որ Բաքուն հետ կանգնի 32 գերիներին վերադարձնելու դիրքորոշումից և նոր նախապայմաններ ներկայացնի՝ Պապոյանը նշեց, որ ոչինչ չի կարելի բացառել երբեք․ «Մենք ասում ենք՝ գնում ենք ինչ-որ գործընթացի, ոչինչ չի կարելի բացառել երբեք, բայց եթե մենք գնում ենք գործընթացի, այդ գործընթացի վերջում 32-ը չեն, մնացածն էլ են գալու: Այսպես է լինելու։ Հիմա դժվա՞ր է լինելու որոշ մարդկանց համար, հե՞շտ է լինելու իրականությունն ընդունել, բայց խաղաղության վերջնակետը լինելու է դեմարկացիան, դելիմիտացան, սահմաններին ոչ թե զինվորների ու խրամատների, այլ սահմանապահների առկայությունը, փոխադարձ կապերի վերականգնումը և այլն, և այլն: Այս ամեն ինչը, եթե չեղավ, խաղաղությունը չի լինելու»։

Աղբյուր` Փաստինֆո