Փաստ ինֆո

Նիկոլ Փաշինյանը սարսափում է ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանից առ այն, որ չի խորշում իր ընտանիքին պատկանող թերթով դիմել ամենապարզունակ մանիպուլյացիաներին՝ օգտագործելով անգամ երեխաներին։

Ինչպես արդեն տեղեկացրել ենք՝ դեկտեմբերի 9-ին վթարի էր ենթարկվել Արթուր Վանեցյանին որդին՝ Արտյոմը։ Ընդ որում՝ նա եղել է տուժողի կարգավիճակում. իր մեքենայով կանգնել է կարմիր լույսի ներքո, երբ Kia մակնիշի ավտոմեքենան հարվածել է նրան։ Պարզվել է, որ վարորդը Արմավիրի մարզի բնակիչ 36-ամյա Մելիք Բադալյանն է, որը դեպքի պահին եղել է թմրամիջոցի ազդեցության տակ։ Ավելին, պարեկները նրա մոտ հայտնաբերել են կասկածելի թմրամիջոց, ով հայտարարել է, որ հայտնաբերված կաթոցիչով ինքն օգտագործել է «մարիխուանա» տեսակի թմրամիջոց։ Իսկ Արտյոմ Վանեցյանը դեպքից հետո դիմել է բուժօգնության՝ «Նաիրի» բժշկական կենտրոն։

Ակնհայտ է, որ Արտյոմը տուժել է առերեւույթ թմրամոլի գործողություններից, բայց Փաշինյանին դա չի խանգարել դիմելու պարզ մանիպուլյացիայի ու փորձել դեպքն օգտագործել քաղաքական ընդդիմախոսին վարկաբեկելու համար։ Այն է՝ հրապարակում են Արթուր Վանեցյանի լուսանկարը ու գրում, թե մեքենաներից մեկում հայտնաբերվել է թմրամիջոց՝ այդպիսով մարդկանց մոտ թյուր կարծիք ձեւավորելով, թե թմրամիջոցը գուցեեւ Վանեցյանի տղայի մեքենայի մեջ է հայտնաբերվել։

Տպավորություն է, որ Փաշինյանն ուրախացել էր, որ Արտյոմը վթարի է ենթարկվել, բայց տխրել, որ նա չէր մեղավորը, ավելին՝ անգամ մեքենան խիստ թանկարժեք չի եղել, որ կարողանար դա օգտագործել քաղաքական ընդդիմախոսի հետ հաշիվներ մաքրելու համար ու դիմել ամենապարզունակ կեղտոտ մանիպուլյացիայիան։ Նկատենք, որ սա առաջին ու վստահ ենք վերջին դեպքը չէ, երբ Փաշինյանը փորձում է վարկաբեկել Վանեցյանի ընտանիքի անդամներին ու նրանց միջոցով հարվածել հենց Վանեցյանին։ Նախորդ դեպքն էլ ինչ-որ քրգործի էր վերաբերում, որով, ըստ Փաշինյանի հսկողության ներքո գտնվող դատախազաքննչական մարմինների, անցնում է Արթուր Վանեցյանի եղբայրը, որը հաջողակ գործարար է, իսկ գործունեության ոլորտը հիմնականում երկրում է։

Այս դեպքում եւս՝ դատախազության հաղորդագրությունը տարածելիս Փաշինյանի ընտանիքին պատկանող թերթն այն հրապարակել էր Արթուր Վանեցյանի լուսանկարով, կարծես քրեական գործը նրան է վերաբերում։

Ընտանիքի անդամներին անհարկի իր կեղտոտ խաղերում օգտագործելու Փաշինյանի քայլերը մատնում են նրա անհանգստությունը Արթուր Վանեցյանից։ Երկրորդ՝ զգում է, որ հողը երերում է ոտքերի տակ ու փորձում նոր տեսարաններ ստեղծել իր ընտրազանգվածին զբաղեցնելու համար։

Ինչպես կասեր Ապուլիոսը՝ սեփական բարոյական անմաքրությունը ինքն իրեն արհամարհանքի նշան է:

Աղբյուր` Փաստինֆո