Փաստ ինֆո

Կանանց և տղամարդկանց մաշկի ծերացման հիմնական պատճառներն են արևի ազդեցությունը, ալկոհոլային խմիչքների օգտագործումը, սթրեսը և կարճ քունը: Կարևոր է հետևել առողջ ապրելակերպին և վերահսկել ձեր վիճակը: Այս մասին հայտարարել է կոսմետոլոգ Սոֆիկո Դարասելիան։

Մասնագետի խոսքով՝ արևի ուղիղ ճառագայթները նպաստում են կոլագենի մանրաթելերի քայքայմանը և մաշկի պիգմենտացիայի առաջացմանը։  

Ինչ վերաբերում է ալկոհոլի ազդեցությանը, կոսմետելոգը նշում է. «Ալկոհոլը ուժեղացնում է դեմքի այտուցը, նպաստում է դեմքի արյունատար անոթների վնասմանը, հատկապես այտերի հատվածում և ընդհանուր առմամբ արագացնում է ծերացումը: Հատկապես երբ խոսքը մեծ քանակությամբ ալկոհոլ ընդունելու մասին է»։

Նրա խոսքով, եթե մարմինը մշտական սթրես է ապրում, ապա ապագայում մարդուն սպասվում են բացասական հետևանքներ։ Սա կազդի հորմոնալ մակարդակի, նյութափոխանակության և հյուսվածքների վիճակի վրա:

Խոսելով ապրելակերպի մասին՝ բժիշկ-կոսմետելոգը նշել է, որ այստեղ իրենց դերն ունեն տարբեր գործոններ, որոնցից առաջինը համարվում է բավարար քունը։ Այն ազդում է հորմոնալ կարգավիճակի, կոլագենի արտադրության և մաշկի վիճակի վրա: Եթե մարդը բավարար չափով չի քնում, մաշկը արագ կծերանա։ Բացի այդ, բժիշկը խորհուրդ է տվել ավելի ուշադիր ուսումնասիրել սննդակարգը և պահպանել ակտիվ կենսակերպ, քանի որ դա նույնպես ազդում է մաշկի ծերացման վրա։

Աղբյուր` Փաստինֆո