Փաստ ինֆո

Դժբախտ պատահար է տեղի ունեցել, որից հետո վարչապետն անձամբ զանգել է վթարի հետեւանքով մահացած հղի կնոջ ընտանիքի անդամներին, ցավակցել է, անգամ կարծեմ ներողություն է խնդրել նման միջադեպի համար համար։ Ոնց կարելի է նման բան ասել։

Այս մասին լրագրողների հետ զրույցում ասաց ՀՀ ԱԺ նապագահ Ալեն Սիմոնյանն՝ անդրադառնալով նախօրեին կառավարության հետ հարցուպատասխանի ժամանակ «Հայաստան» խմբակցության պատգամավոր Լևոն Քոչարյանի դիտարկմանը, թե վարչապետի ծառայողական շարասյունը հղի կնոջ է վրաերթի ենթարկել ու շարասյունն անգամ կանգ չի առել։

«Երբ իրենց ընտանիքի կողմից վճարվող մարդիկ են դա ասում՝ ես գնահատում եմ, որ դա պատվեր է, որը կատարում են, բայց երբ ինքն անձամբ գալիս ու դժբախտ պատահարը ներկայացնում է որպես արարք՝ դա առնվազն սազական չէ մարդու, ով քաղաքականությամբ զբաղվելու հավակնություններ ունի։

Ոչ վարչապետը մեքենա է վարել, ոչ դա վարչապետի մեքենան է եղել, ոչ վարչապետը հրաման է տվել՝ ի տարբերություն հայտնի դեպքերի։ Բերել՝ ընտանիքի, մեր բոլորիս դժբախտությունը վերագրել իշխանությանը կամ որևէ մեկին շատ ցածր ու տգեղ բան է։ Հետագայում, կարծում եմ, իրենք իրենց պետք է թույլ չտան դա անել։ Դժբախտ պատահար է տեղի ունեցել, որից հետո վարչապետն անձամբ զանգել է ընտանիքի անդամներին, ցավակցել է, անգամ կարծեմ ներողություն է խնդրել նման միջադեպի համար համար։ Ոնց կարելի է նման բան ասել։

Եթե իրենք դրանով փորձում են այն արարքները, որ իրենց են մեղսագրվում՝ և այս պահատարի միջև հավասարության նշեն դնել, ապա ապարդյուն, մեր ձեռքերին արյուն չկա, թող իրենց հետ հանկարծ չխառնեն»։

Աղբյուր` Փաստինֆո