Փաստ ինֆո

ԱԺ-ում մեկնարկել է ութերորդ գումարման վեցերորդ նստաշրջանի հերթական նիստը:

Մինչ նիստի մեկնարկը ՀՀ ԱԺ նախագահի տեղակալ Հակոբ Արշակյանը խորհրդարանականներին առաջարկեց մեկ րոպե լռությամբ հարգել 1988 թվականի դեկտեմբերի 7-ի Սպիտակի ավերիչ երկրաշարժի զոհերի հիշատակը:

35 տարի առաջ այս օրը՝ ժամը 11:41-ին տեղի ունեցած երկրաշարժը խլեց 25 հազար մարդու կյանք, ավելի քան կես միլիոն մարդ դարձավ անօթևան: Լիովին ավերվեցին Սպիտակ քաղաքը և 58 գյուղ, մասամբ՝ Գյումրի, Ստեփանավան, Վանաձոր քաղաքներն ու ավելի քան 300 բնակավայր, շարքից դուրս եկավ Հայաստանի արդյունաբերական ներուժի շուրջ 40 տոկոսը։

ԱԺ օրակարգում ընդգրկված է 36 հարց: Սա այս նստաշրջանի վերջին հերթական նիստն է:
ԱԺ շուրջ 3 տասնյակ օրակարգային հարցերի թվում էր պետական բյուջեի նախագծի քննարկման շարունակությունը, որին նախօրեին մասնակցել և ելույթ է ունեցել Նիկոլ Փաշինյանը։

Նստաշրջանի օրակարգում 5 ընտրություն է՝ Հաշվեքննիչ պալատի անդամի, Կոռուպցիայի կանխարգելման, Մրցակցության պաշտպանության, Հեռուստատեսության և ռադիոյի հանձնաժողովի անդամների թափուր տեղերի, ինչպես նաև Վճռաբեկ դատարանի հակակոռուպցիոն պալատի կոռուպցիոն հանցագործություններ քննող դատավորի թափուր տեղի համար:
Խորհրդարանական ընդդիմությունը միայն Մրցակցության պաշտպանության հանձնաժողովի անդամի համար է թեկնածություն առաջադրել, թեկնածուն Քաղծառայության խորհրդի նախկին նախագահ Մանվել Բադալյանն է:

Աղբյուր` Փաստինֆո