Փաստ ինֆո

2018 թ-ի հեղափոխություն իրականացրած քաղաքացիների ամենամեծ ակնկալիքը արդարությունն էր, կոռուպցիայի վերացումը ՀՀ-ից, պետք է ցավով արձանագրեմ, որ այդ ակնկալիքները շարունակում են մնալ իրենց տեղում ՝ ինչը նշանակում է, որ դրանք իրականացված չեն առնվազն լիարժեք։ Այս մասին ԱԺ-ում հայտարարեց ՀՀ վարչապետ ՆԻկոլ Փաշինյանը։

Նրա դիտարկմամբ՝ «ինչու այդ ակնկալիքները իրականացված չեն» հարցին պատասխանելու համար պետք է նախ պատասխանել հարցին, թե ինչ է արդարադատությունը, արդարությունը, ինչպես է այն արտահայտվում։

«2018 թ-ից հետո շատերն էին ակնկալում, որ տեղի է ունենալու հեղափոխական արտադարատություն, այսինքն, հրապարակներում դատավճիռներ են կայացվելու և իրականացվելու են այդ թվում՝ գույքերի բռնագանձման, ընդհուպ ,կոնկրետ անձանց, կոնկրետ ձևերով պատժելու վերաբերյալ որոշումներ, այն, ինչ ֆրանսիական հեղափոխության ժամանակ անվանում էին տեռոր։ Մենք չգնացիք այդ ճանապարհով, քանի որ մենք ոչ թե հոկտեմբերյան սոցիալիստական հեղափոխություն ենք արել, այլ`սիրո ու համերաշխության հեղափոխություն, ու խոստացել էին, որ վենդետաներ չեն լինելու:

«Վենդետաների գործելակերպ չորդեգրելը մեր հեղափոխական պարտավորությունն է»:
Փաշինյանի խոսքով` իրենց մոտեցումը եղել ու մնում է նույնը` արդարադատությունը որոշվում է ինստիտուտներում, որոնք արդարադատություն իրականացնելու, արդարադատություն հաստատելու իրավասություն ունեն ու գործում են օրենքի և Սահմանադրության հիման վրա:

«Իմ համոզմունքը եղել ու մնում է այն, որ այն, ինչ ինստիտուտցիոնալ չէ, արդարություն չէ, չի կարող լինել, քանի որ մեկը արդարություն կարող է համարել մեկին շքամուտքում գնդակահարելը, երկրորդը՝ մյուսի ծնոտը ջարդելը, երրորդը՝ մյուս բիզնեսում փայ մտնելը, 4-րդը ՝սեփականությունը ձեռքից խլելը։ Սա ոչ միայն չի կարող արդարություն լինել, այլև պետության և պետականության քայքայման ուղիղ ճանապարհ է»։

Աղբյուր` Փաստինֆո