Փաստ ինֆո

Դեկտեմբերի 26-ին Երևանի ավագանու նիստում քննարկման կդրվի Երևանի փոքր Կենտրոնում՝ Ա և Բ գոտիներում մեքենաների կայանման համար վարձավճարների թանկացման հարցը։ Այս մասին «Փաստինֆոյի» հետ զրույցում ասաց քաղաքապետի մամալո խոսնակ Հայկ Կոստանյանը։

Նա նշեց, որ դեկտեմբերի 1-ին քաղաքապետարանում կայացած հանրային քննարկման ընթացքում հնչած առաջարկությունները քաղաքապետարանը ընդունել է ի գիտություն։

«Ես չեմ կարող բացառել, որ ինչ-որ փոփոխություններ լինեն այդ առաջարկությունների հիման վրա։ Այսինքն, ավագանու մյուս խմբակցությունների ավագանիների հետ էլ որոշակի քննարկում լինելու է և չի բացառվում, որ արդեն դեկտեմբերի 26-ի նիստի ժամանակ փոփոխված տարբերակ քննարկման դրվի։ Քանի որ դեռ չկա առարկայական փոփոխություններ՝ ես չեմ կարող ասել, թե ինչը կներադռվի, ինչը՝ ոչ, գումարի չափը կիջնի, թե կբարձրանա։ Այս պահին էլ քննարկումները շարունակվում են և դրա մասին առավել առարկայական կարծում եմ հնարավոր կլինի խոսել 2 շաբաթից»։

Հիշեցնենք, որ քաղաքապետարանն առաջարկում է Փոքր Կենտրոնում այսպես կոչված՝ կարմիր գծերի վարձավճարները 12 000 դրամից հասցնել 160 000-ի՝ չառաջարկելով որեւէ այլընտրանք այդ թվում բնակիչների համար։ Ստացվում է, որ իր տան մոտ մեքենան կայանելու համար բնակիչը պետք է բավական թանկ վճարի կամ էլ այն կանգնեցնի, օրինակ, Բարեկամություն մետրոյի մոտ ու ոտքով գա տուն։

Միաժամանակ այսօր «Լուսավոր Հայաստան» կուսակցության փոխնախագահ Դավիթ Խաժակյանը հայտնել է, որ Երևանի քաղաքապետարանը որոշել է առաջիկայում թանկացնել ավտոբուսների ուղեվարձը՝ 100 դրամից դարձնել 150 դրամ։

Աղբյուր` Փաստինֆո