Փաստ ինֆո

Մարդկանց մի տեսակ կա, սկսում է կորուստների մեջ մրցել, թե ում կորուստն է ավելի թանկ: Բայց կորուստը մրցույթ չի սիրում, բոլորիս համար ցավի չափը հավասար է և ցավ զգացողը այն նույն կերպ է տանում: «ՓաստԻնֆոյի» եթերում ասել է երգիչ, երգահան Դավիթ Ամալյանը:

Բանախոսի դիտարկմամբ, որոշներին թվում է, թե պետության մեջ քար դնելը մեծ ծառայություն է: Սակայն դա մեր պարտականությունն է: Այս պահին պատերազմ չլինելը մեր գոյության միակ միջոցն է: Ցավոք սրտի, ներքին դավաճանների ուժգնությունը օգտակար եղավ մեզ մոտ պանիկա տարածելու համար թե՛ պատերազմի ընթացքում, թե՛ պատերազմից հետո:

Անդրադառնալով հասարակության վարքագծին, երգահանը նշեց, որ սոցիալականի խնդիր ունի այս ժողովուրդը: Եթե սոցիալական հարց բարձրանա՝ տեսեք մեր փողոցներում ինչ է կատարվելու: Պատերազմում պարտվեցին, այդքան զոհ տվեցին, ամենակարևոր տարածքը կորցրեցին՝ փողոց դուրս եկավ 5-6 հազար, 10 հազար, լավ, 20 հազար մարդ: Գազը թանկացնեն՝ տեսեք քանի հարյուր հազար են դուրս գալու:

«Եթե ձեզ թվում է՝ վաղը թուրքը գալու է ասի վերջ, ես լոլիկ եմ վաճառում, դուք էլ ինձ գորգ տվեք, համերաշխ ապրելու ենք՝ չարաչար սխալվում եք: Եվ, եթե օտար պետություններին որևէ հետաքրքրություն չլինի, որ ի վերջո կասեցնի թուրքի գալը, հավատացեք, որ մենք կդառնանք բառի բուն իմաստով՝ թուրքի վասալները: Մեր թշնամանքը գենետիկայի է հասել»,- ասել է Դ. Ամալյանը:

Բանախոսը կարծում է, որ հասարակության վիճակը նման է քաղցկեղի: Քաղցկեղը մեկ դեպքում է բուժվում՝ անտարբերությունից: Առողջ բջիջները պետք է մոռանան հիվանդ բջիջների մասին, ապրեն այնպես, ինչպես ապրել են: Ապրեն միասին և համախմբված:

Մանրամասները՝ տեսանյութում:

Աղբյուր` Փաստինֆո