Փաստ ինֆո

Արցախցի իրավաբան Նանար պողոսյանն իր ֆեյսբուքյան էջում գրել է.

Տեսնես ինչու՞ են մարդիկ ուզում իրենց դիմացիներին միշտ դժբախտ ու խեղճացած տեսնել։
Ուրեմն, երբ Արցախից տեղահանվեցի, շատ վատ վիճակում էի, դեպրեսիայի մեջ, պատասխանատու չէի իմ քայլերին, չնայած նորմալ վիճակ էր ամեն ինչ կորցրած մարդու համար, այդժամ բոլորն իմ կողքին էին խոսքերով, ամեն օր ինձ հույս էին տալիս, սփոփում, որ չպետք է կոտրվեմ, որովհետեւ հպարտանում էին իմ չկոտրվող, հայրենատեր տեսակով եւ այլն։

Ի դեպ այդ այն մարդիկ էին, որ տարիներով հետեւում էին ինձ, հպարտանում ինձնով, այսինքն լավ ճանաչում էին ինձ։
Հայաստան հասնելուն պես միայն եզակիները եղան, որ ոչ թե խոսքով, այլ գործով եղան իմ կողքին ու մինչեւ այսօր։
Հիմա, երբ փորձում եմ դուրս գալ դեպրեսիայից եւ շարունակել միջոցներ ձեռնարկել իմ ընտանիքի հոգսը մի փոքր թեթեւացնելու համար, այսինքն նրանց հալալ քրտինքով վաստակածը մատուցել հանրությանը, տեղեկացնել, որ քույրիկներս արդեն բացել են իրենց հրուշակեղենի արտադրամասը եւ այլն։

Այսինքն ընկերներիդ եւ կողքիդ կանգնած մարդկանց շնորհիվ մանրից փորձում ես ոտքի կանգնել, ժպտալ, որովհետեւ մի ողջ գիտակցական կյանք դեռ դիմացդ է ու պիտի ուժեղ լինես, որ կարողանաս փորձություններին դիմակայել։
Այսինքն գրում եմ ոչ թե իմ, այլ իմ հարազատների մի փոքր հաջողության մասին։
Մեկ էլ տեսնեմ 22 հոգի ընկերներիս եւ հետեւորդներիս շարքից պակասել են։

Փաստորեն դուք ինձ ուզում էիք միայն լացելուց տեսնել, խեղճացած տեսնել, կոտրված տեսնել, որ կեղծ սփոփեիք, խղճաիք, օգնություն առաջարկեիք, բայց որ շատ դժվարությամբ փորձում ենք մեր ապրուստի միջոցը մենք վաստակել ու կիսվում եմ մեր մի փոքր հաջողության մասին աչքներդ չի՞ վերցնում, որ ջնջվում եք։

Ուղղակի զարմանում եմ նման մարդկանցից, էդ որ տենց ձեզ լավ աղջկերքի եւ լավ տղերքի տեղ եք դրել, էսքան ժամանակա ես անգործ, որ մեկդ եք մի նորմալ գործ առաջարկել, բայց, որ ես երկար փնտրելուց հետո Աստված տա մի գործ գտնեմ, էն ժամանակ լավ քնարկելու եք, իսկ միայնակ ժամանակ սաղ ծպտյալ եք։

Ինչքան չար մարդիկ կան, հետո Աստծուց են բողոքում։

Ես կոտրվող չեմ իզուր չջանաք, լավ է, որ հիմա ջնջվեցիք, թե չէ Արցախում մեծ կարծիք ունեինք ձեր մասին, բայց եկանք տեսանք, որ կեսից շատը ծակ հայրենասերներ եք, ի դեպ որոշներն էլ Արցախը վաղուց լքած Հայաստանում <<կտրիճ>> դառած, հանուն սուտի հայրենասիրության լսարան ձեռք բերած, հանուն ապահով լավ կյանքի Արցախի դրոշի տակից փախած, եկած Հայաստանում Արցախի դրոշով նկարված իբր լավ մասնագետներ հիմնավորված, այսինքն մարդկանց աչքերը փակած էլի, բայց էդ իրենց լսարանի մարդիկ մի օր չեն հարցրել, ասեն այ քույրիկ կամ այ եղբայր էդ մասնագիտությունդ, էդ հայրենասիրությունդ ինչու Արցախին չես ծառայեցրել, ինչու Արցախում չէիր պայքարում, ինչու օրինակ չես ծառայել, վերջապես ինչու ես մինչեւ պատերազմը Արցախդ լքել, որ ոչ բռնի տեղահանվել ես, ոչ հարազատ ես կորցրել։

Այսուհետ միայն ուժեղ Նանարին կտեսնեք, թույլ չեմ տա որեւէ մեկը ուրախանա իմ անզորությունով։ Ես անզոր չեմ, փորձությունա սա էլ կհաղթահարեմ, իսկ ինձ հետ կմնան իսկականները, հալալները, որքան շատ մաղվեք այնքան շատ տեղ կբացվի հետեւորդներիս ընկերության հայտերն ընդունելու համար, թե չէ 5.000-ը վաղուց լրացած է չեմ կարող ընդունել։

Աղբյուր` Փաստինֆո