Փաստ ինֆո

Երեք ժամ առաջ մեր գործարարների ու վարորդների համար արդեն «սրբավայր» դարձած Լարսի անցակետում արդեն 7 օր սպասող բացառապես հայ վարորդներին բաժանվեցին մերժման փաստաթղթերը, ովքեր չարաբաստիկ «սրբավայրի» շուրջ յոթ շրջան պտտվելուց հետո փչացած ապրանքով բռնում են դեպի Հայաստան դարձի ճամփան: Էս բառացի՝ կոլապսին պատկան մարմիններն ունեն մեկ հերթապահ պատասխան։ Այս մասին ֆեյսբուքյան իր էջում գրում է ՀՀ տրանսպորտի, կապի և տեղեկատվական տեխնոլոգիաների նախկին նախարար Աշոտ Հակոբյանըը։

Դիվերսիֆիկացիա.. արտադրանքի դիվերսիֆիկացիա, տնտեսության դիվերսիֆիկացիա, շուկայի դիվերսիֆիկացիա և այդպես շարունակ, արդեն մեկ շաբաթ է շվարել ենք չգիտեմ ում բերանից մեր առօրյա անհիմն նետված էս, տվյալ պարագայում անհնարին ու անիրականանալի մտքից՝ դիվերսիֆիկացիայից: Մակերեսային, առանց խորը վերլուծությունների արտաբերված էս դիվերսիֆիկացիայի անհարկի թմբկահարումը հասցրել է նրան, որ արդեն մեղադրվում են հայ գործարարները՝ ոչ պատշաճ արտադրանք արտադրելու, մեեե՜ծ շահույթներ ստանալով միայն ռուսական շուկայով բավարարվելու ու բիզնեսի ռիսկերը չգնահատելու համար, իսկ արտերկրում բնակվող մեր հայրենակիցները՝ բացառապես Հայաստանից արտահանված ապրանքներ չգնելու համար: Քաջատեղյակ լինելով արտահանվող բանջարաբոստանային կուլտուրաներ արտադրող մեր տնտեսվարողների այսօրեական ապրումներին ու միասնական դիրքորոշմանը՝ չեմ կարող չարձագանքել, որ.

1. Փորձը ցույց է տալիս, որ մենք գերազանց պատկերացրել ու ճշգրիտ գնահատել ենք մեր բոլոր ռիսկերը, ահռելի ներդրումներ ենք կատարել ու հազարավոր, եթե ոչ տասնյակ հազարավոր, աշխատատեղեր ենք ապահովել մի բնագավառում, որը կառավարության կողմից հռչակվել է որպես գերակա ոլորտ, պայքարել, մաքառել ու կարողացել ենք հասնել բիզնեսի կայացմանը, ինչի մասին է վկայում նաև արտերկրի մեր գործընկերների այցելությունների ընթացքում չթաքցված զարմանքն ու հիացմունքը: Ուզում եմ շեշտել, որ այստեղ խոսքը ամենևին Ռուսաստանի մեր գործընկերների մասին չէ, այլ Եվրոպայի տարբեր երկրներից պարբերաբար այցելող մասնագետների, մատակարների և այլոց:

2. Մեզ մեղադրում են գերշահույթի հետևից ընկնելով արտադրանքի պատշաճ որակ չապահովելու ու այն մրցունակ չդարձնելու մեջ: Նախ՝ համոզված եմ, որ այս ոլորտի գոնե վերջին 4-5 տարում ստեղծված ընկերությունները հազիվ կարողանում են հոգալ ամսական ծախսերը, էլ ուր մնաց՝ շահույթ, առավել ևս գերշահույթներ հետապնդեին ու սա այն պայմաններում, որ ստեղծման պահից գտնվում ենք տուրբուլենտ զոնայում՝ բացառապես լոգիստիկ խնդիրների պատճառով: Մենք շարունակ օրեր ու ժամեր ենք հաշվել, թե, երբ կվերանորոգվի Վրաստանից Լարս տանող ճանապարհը, որը կարգավորվեց վրացիների կողմից: Մենք օրեր ու ժամեր ենք հաշվել, թե ինչպես պետք է լուծվի Լարսի թողունակության խնդիրը, որն այս տարվա սկզբին լուծվեց ռուսների կողմից՝ բազմաթիվ անցակետեր ավելացնելու միջոցով: Չեմ հերքում, որ այստեղ մեր և ռուսների շահերը համընկան և գուցե դրա համար հարցին լուծում տրվեց ու տրվեց այնպես, որ այսօր արդեն գրեթե չի գործարկվում տարիներ շարունակ չարչարկված միակ «փրկություն» հռչակված ու ընդամենը մեկ-երկու ամիս գործարկված լաստանավը, քանզի դրանով ապրանքի տեղափոխումը անհամեմատ թանկ էր ու բարձրացնում էր ապրանքի ինքնարժեքը: Ի դեպ՝ հետաքրքիր է, որ ժամանակին որպես լուծում լաստանավի մասին խոսող-հուսադրողները դիվերսիֆիկացիայի մասին չէին խոսում, դրա անհրաժեշտությունը կարծես չկար: Ու էլի ընդամենը մակերեսային պատկերացումն էր, որ այդքան հույսեր էր կապում չստացված լաստանավի հետ: Ոչ մեկ չէր ուզում խոսել, որ, ամենակարևորը, խոսքը գնում էր արագ փչացող մթերքի մասին, որը տեղափոխվում է սառնարանային ռեժիմով, իսկ լաստանավը նույնիսկ նման ռեժիմ չուներ: Դժվար էր պատկերացնել, թե ինչպես էր ամառվա տապին մթերքն օրերով ծովով ու նավահանգստով արևի տակ, հասնելու մի նավահանգիստ, որտեղից դեռևս պետք է հասներ հարյուրավոր կիլոմետրերի վրա սպասող գնորդին: Եվ ահա... կանգնեցինք մի այլ՝ անլուծելի խնդրի առաջ՝

3. «Ֆիտոսանիտարիա» կոչված իմիտացիան: Խոսվում է Ամերիկա, Չինաստան ու էլի չգիտեմ ուր մեր ապրանքն արտահանելու մասին.՝ մի հատ խնդրում եմ ըստ ապրանքատեսակի անցեք ու փորձեք պատկերացնել, թե ինչ ծախսերով, ինչ ճանապարհով ու ինչ ժամկետներում աշխարհի մայրցամաքներ կհասնեն ծիրանը, գիլասը, ծաղիկները, ձուկը, պոմիդորը, բիբարը, ի՞նչ սառնարանային ռեժիմով, ինքնաթիռի՞

Աղբյուր` Փաստինֆո