Փաստ ինֆո

Էլեկտրաէներգիայի արտադրության մեր հզորություններն ավելի շատ են, քան մեր սպառումն է, այդ պատճառով էլ Հրազդանի 5-րդ էներգաբլոկը սահմանափակ ամիսների է աշխատում իր ողջ հզորությամբ, դրա պահանջարկը չկա։ Այս մասին լրագրողների հետ զրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։ «Այդ պահանջարկն ավելացնելու ուղղություններից է նաև ենթակառուցվածքների ավելացումը, օրինակ, Իրանի հետ կառուցվող 3-րդ էլեկտրահաղորդման գիծը։ Այս ամբողջ ենթակառուցվածքն օգտագործվում է նրա համար, որ մեր հզորությունները օգտագործվեն, քանի որ եթե կայանները առավելագույնս աշխատեն, ապա յուրաքանչյուր ավելի կիլովատը բերելու է լրացուցիչ օգուտներ»։

Հարցին, թե արդյոք գազի սակագնի փոփոխություն նախատեսվում է՝ նա պատասխանեց, որ վաղը ջրի սակագնի փոփոխության որոշում են կայացնելու, գործող 208.4 դրամը նվազեցվելու է մինչև 206 դրամի։ «Կա արդեն համաձայնություն կառավարության հետ, որ սուբսիդավորումը շարունակվելու է։

Ինչ վերաբերում է գազի սակագնին՝ օգոստոսի 1-ին է եղել վերջին վերանայումը, սակագինը մնացել է անփոփոխ, եթե սահմանին գազի գնի փոփոխություն չլինի՝ չեմ կարծում, որ վերանայման անհրաժեշտություն լինի»։

Դիտարկմանը, թե արդյոք քաղաքական հարաբերությունները կարող են ազդել սահմանին փոփոխության վրա՝ Բադրամյանն ասաց, որ վերջին բանակցությունների և համաձայնագրում ամրագրված համաձայնությամբ ամրագրվել է առաջիկա 10 տարվա համար 165 դոլարը։ Այս սակագնով կապ էր ստեղծված Հրազդայի 5-րդ էներգաբլոտի ներդրումների ու ծախսերի հետ»։

Աղբյուր` Փաստինֆո