Փաստ ինֆո

Ակտիվ շրջանատվում է մի նորահայտ թեզ, որ 44-օրյա պատերազոմով ՌԴ-ն ՀՀ իշխանություններին պատժեց՝ նրա ինչ-որ քայլերի համար։ Ես չէի ուզի այս կոնտեքստում ՌԴ-ին քննարկման առարկա դարձնել , բայց եկեք ադ թեզը քննարկենք, եթե դա այդպես է, բա այդ դեպքում 2016 թ-ի քառօրյա պատերազմի ժամանակ ով՝ ում և ինչի համար պատժեց։

Այս մասին այսօր ուղիղ եթերում քաղաքացիների տեսահարցերին պատասխանելու ընթացքում ասաց վարչապետ Նիկոլ Փաշինյանը՝ անդրադառնալով այն դիտարկումներին, որ ՌԴ- ն իր քայլերով պատժում է Հայաստանի իշխանություններին այս կամ այն քայլի համար։

«Այդ թեզի իմաստն այն է, որ դե հեղափոխություն եղավ, որը ցանկալի չէր մեր գործընկերների համար, իբրև այս կառավարությունը արևմտամետ էր, դրա համար պատժվեց, պատերազմը դրա համար եղավ, բա 2016-ի պատերազմն ինչի՞ համար եղավ, բա 2013-ի իրադարձություներն ի՞նչ են, երբ Հայաստանը բանակցեց-բանակցեց, մի գիշերում Հայաստանը դարձավ ԵԱՏՄ անդամ։

Բա այդ դեպքում ո՞ր քայլերի համար 2011 թվականին Ռուսաստանը բազմամիլիարդանոց զենքի վաճառքի պայմանագիր կնքեց Ադրբեջանի հետ, 2013-2014 թթ իրադարձություններն ինչի՞ արձագանքն էին»։

Անդրադառնալով քննիչ հանձնաժողովում իր ելույթին՝ նա ասաց, որ իրականում Ղարաբաղի հետ կապված ինքն ամբողջը չի ասել։ «Եթե այս վարկածը ճիշտ է, բա Սերժ Սարգսյանի 2018 թվականի ապրիլի հայտարարությունն ինչի՞ մասին էր, պատերազմի անոնսը, այդ ինչի՞ անոնսն էր»։

Նրա դիտարկմամբ՝ հեղափոխությունից հետո Հայաստանը դեռ ինքնիշխան պետություն լինելու շանս ունի։ «Եթե հեղափոխությունը չլիներ, այդ շանսն էլ զրո էր լինելու, դրա ապացույցը 2013-ի իրադարձություններն են։

Պատկերացնո՞ւմ եք, ԵՄ-ի հետ բանակցեն փաստաթուղթ, որը ստորագրման պատրաստ լինի, և այդ 5-6 տարի բանակցած փաստաթուղթը շպրտեն մի կողմ ու ասեն՝ մենք դա չենք կարող ստորագրել։

Այստեղ խնդիրը հետևյալն է, եթե դու ի վիճակի չէիր ստորագրելու, ինչո՞ւ էիր բանակցում։ Բա դրանից ավելի մեծ պատի՞ժ պետության պրեստիժին։ Դրանից հետո ստացանք 2016-ի 4-օրյա պատերազմը, և բանակցային այն փաթեթները։

Լեռնային Ղարաբաղի լուծարումը 2018-ի օգոստոսին է տեղի ունեցել՝ եռակտոր բանակցային առաջարկը ներկայացնելու պահին։ 2016-ը ինչ էր, բա ո՞վ, ո՞ւմ ինչի համար պատժեց․ ցավոք, 2018-ին Սերժ Սարգսյանը հայտարարեց պատերազմ, ու հետո հեղափոխություն եղավ, եթե դա չլիներ, այսօր Հայաստանն անկախ պետություն ունենալու շանս չէր ունենալու, դրա ապացույցը 2013 թ-ի փաստաթուղթն էր։

Այս շանսը չկորցնելու համար մենք այսօր չպետք է ասենք՝ սա Հայքն է, Հայաստանի Հանրապետությունը չէ։ Հարազատներս, սա Հայաստանի Հանրապետությունն է, մենք «Երկիր Նաիրին» պետք է կարդանք, դասեր քաղենք և դնենք պատմության արխիվը ու ասենք՝ կեցցե Հայաստանի Հանրապետությունը, որովհետև վիրտուալ հայրենիքը իրական հայրենիքով փոխարինելու ժամն է եկել, այդ ժամն այսօր է։ Եթե մենք այդ ժամը բաց թողնենք՝ գնալու ենք վերլուծենք պատմությունը, հիշարժան օրեր ենք ունենալու, բայց չենք ունենալու պետություն»։

Աղբյուր` Փաստինֆո