Փաստ ինֆո

Ինչու, եթե ոչ բոլոր պետական այրերի, ապա գոնե՝ Ալիևի և Էրդողանի՝ մեր ազգային ինքնասիրությունն ու արժանապատվությունը վիրավորող, պատմական փաստերը բացահայտորեն խեղաթյուրող հայտարարություններին չի տրվում համարժեք պատասխան։ Չէ որ այդ հայտարարությունները խոսում են նրանց պետական մտածողության ու քաղաքականության մասին։ Եթե դիվանագիտական նկատառումներով նպատակահարմար չէ կատարել պետության անունից, ապա չէ որ կա մի ամբողջ Պատմության ինստիտուտ, որը կարող է տալ պատմական փաստերով հաստատված գիտական պատասխան։ Այս մասին հայտարարեց քաղաքացիներից մեկը՝ դիմելով Նիկոլ Փաշինյանին։

«Նման պահվածքը խորը տարակուսանքներ է առաջացնում ոչ միայն հայերիս, այլև՝ տեղացիների մոտ։ Գոնե ինձ համար զարմանալի է, թե ինչպես է նման դեպքերում լռում հայ պատմաբանի մասնագիտական ինքնասիրությունը»,- ասաց քաղաքացին։

Նիկոլ Փաշինյանն էլ, արձագանքելով հարցին, ասաց, թե պետք է կենտրոնանալ նպատակի վրա, չշեղվել նպատակներից։ Փաշինյանի խոսքով՝ հստակ ձևակերպել են, որ գնում են խաղաղության օրակարգի հետևից և չպետք է շեղվել այդ ճանապարհից։ Ավելին, Փաշինյանը նաև «հրաժարվում է» պատմությունից։

«Պետք է ասեմ գիտեք ինչ։ Իհարկե մենք գիտենք մեր պատմությունը, բայց պատմությունն ամենալավ խորհրդատուն չէ՝ ապագա կառուցելու համար։ Սա իմ հետևությունն է, ընդ որում, այնպես չէ, որ այս հետևությունները միշտ ինձ հետ են եղել, նաև որոշակի իրադարձություններ, վերլուծություններ, հանգամանքներ բերում են այդ հետևության, որ իսկապես ապագա կառուցելու համար պատմությունը լավագույն խորհրդատուն չէ։ Ասում են՝ պատմությունից պետք է դասեր քաղել, բայց ինչ դաս ․․․»,- հայտարարեց Փաշինյանը։

Աղբյուր` Փաստինֆո