Փաստ ինֆո

Մենք ունենք տասնյակ քրեական գործեր, տասնյակ դատավարություններ, բայց չունենք՝ դատավճիռներ։ Սա, իհարկե, մեծ խնդիր է, որն ինձ անհանգստացնում է։ Այս մասին հայտարարեց Նիկոլ Փաշինյանը՝ պատասխանլով Գերմանիայում բնակվող անձի հարցին, թե ինչու Ռոբերտ Քոչարյանը, Սերժ Սարգսյանը, Գագիկ Ծառուկյանը և մյուս անձինք չեն դատապարտվել, չկա դատավճիռ։

Փաշինյանը հայտարարեց, որ կարևոր է ինստիտուտ։

«Որն է ինստիտուտի և ոչ ինստիտուտի տարբերությունը։ Ոչ ինստիտուտն այն է, որ ասում ենք՝ պատժում ենք՝ այս մարդուն, այս մարդուն, այս մարդուն․․․ Պատժում ենք և, մանավանդ, եթե դրա համար կա հանրային մեծ պահանջարկ, բոլորն ուրախանում են, գոհանում և այլն, բայց այս գործողությունը շատ վտանգավոր է, որովհետև, երբ հանրայնորեն ակնհայտ մեղավորներին պատժեցինք պրծանք, այս գործողությունը շարունակվելու խասիաթ է ձեռք բերում, ասում են՝ էն ցուցակը ավարտվե՞ց, բերեք նորը»,- ասաց Փաշինյանը՝ հավելելով, որ ինստիտուցիոնակ մոտեցման դեպքում ստեղծում են մեխանիզմներ, որ ով մեղավոր է, նա պատժվի․ «Ես լինեմ, դուք լինեք, ուրիշ անձ լինի»։ Փաշինյանը հայտարարեց, թե քաղաքական նպատակ չի եղել, չկա և չի լինելու՝ պատժել կոնկրետ մարդու, քաղաքական նպատակ է արդարադատություն ունենալը։

«Իհարկե, ընդունում եմ, որ հանրության համար, որն այս ինստիտուցիոնալ նրբությունների հավես էլ չունի, կոնկրետ հարց է դնում՝ այս մարդը պատժվե՞լ է, թե ոչ»,- հայտարարեց Փաշինյանը։

Աղբյուր` Փաստինֆո