Փաստ ինֆո

Մի խումբ քաղաքացիներ այսօր վաղ առավոտից բողոքի ակցիա են անում կառավարության 3-րդ մասնաշենքի մոտ, բողոքելով երեկ ԱԺ-ում ընդունված մի օրենքներից, որով ձկնաբուծական տնտեսությունները պարտադրված են լինելու ջրային ռեսուրսները խնայող նոր սարքավորումներ տեղադրել, որոնք հավելյակ ծախսեր են ենթադրում։

«Փաստինֆոյի» հետ զրույցում ձկնաբուծական ընկերություններից մեկի ղեկավարն ասաց, որ ջրօգտագործման ծավալները նվազեցվելու են առնվազն 40 տոկոսով, ինչը գրանցված արդյունքների 40 տոկոսով նվազման է հանգեցնելու, որը ենթադրում է աշխատատեղերի, վճարվող հարկերի նվազում, նվազելու են նաև փոխկապակցված այլ ճյուղերը՝ կերի արտադրություն, կերի ներկրում, վերամշակման արտադրամասներ, սպանդանոցներ, այսինքն, ոլորտի 40 տոկոս նվազում կունենանք։

«Այսօր տնտեսվարողները բազմաթիվ վարկային պարտավորություններ ունեն, ներդրել են կայաններ, բայց հիմա ասում են համակարգերը, որոնք ներդրել եք, պիտի փոխարինեք, բայց մարդիկ արդեն վարկ են վերցրել ու այդ համակարգը ներդրել, հիմա պիտի աշպատի որ այդ վարկը փակի, մինչդեռ կառավարությունը պարտադրում է նոր վարկ ներգրավել՝ նոր համակարգ ներդնելու համար»։
Նա ընդգծեց, որ ոլորտի արտադրության 60 տոկոսն արտահանվում է, սա տնտեսության միակ ինքնաբավ ոլորտն է, որն ապահովում է տեղական շուկան՝ կետի արտադրությունից, մինչև արտահանում ապահովում է տեղական շուկան։ Ընդ որում՝ մեր ապրանքն հիմա մրցունակ է, բայց այս կարգավորումները ուժի մեջ մտնելուց հետո՝ հարց է՝ կկարողանանք մրցակցել թե ոչ։
Ձկնաբուծարանների աշխատակիցները նշում են, որ նախագծի հիմնավորումներում Արարատյան արտեզյան պաշարների վերականգնումն է, բայց ջրային պաշարների նվազման պատճառը ջրի ոչ արդյունավետ կառավարում է, որը պետության անելիքն է։

Աղբյուր` Փաստինֆո