Փաստ ինֆո

Չեմ կարծում, որ կոռուպցիայի դեմ պայքարը գտնվում է պատշաճ մակարդակի վրա։ Այսօր կառավարության նիստում հայտարար.ել է ՀՀ վարչապետ Նիկոլ Փաշինյանը՝ նշելով. « կաշառք են վերցնում, որտեղ պատահի»։

Նիկոլ Փաշինյանը դժգոհ է հակակոռուպցիոն գործերի քննությունից, նշում է՝ կոռուպցիայի դեմ պայքարը չի գտնվում պատշաճ մակարդակի վրա։

«Մենք օրենսդրական փոփոխություններ չե՞նք արել՝ դատական նիստերն անհարկի ձգձգելու հետ կապված։ Լավ, ժողովուրդ ջան, հո չի կարող դատը տևել 5 տարի, քանի հատոր է այդ գործը, որ դատը պետք է տևեի 5 տարի, 3 տարի։ 2019թ ԱՕԿՍ-ի գործը կա, էլ չեմ ասում՝ կողքի գործոնները, բայց տրամաբանություն պետք է լինի։ Այսինքն՝ երկրագնդում հարյուր ձևի փոփոխություններ են տեղի ունենում, բայց մեր դատական գործերն իրենց հունով գնում են այն հույսով, որ այս գլոբալ փոփոխությունները նաև դատական գործերի վրա էլ կազդեն, հո տենց չի մնա, բայց այսպես չի կարելի է, հասկանու՞մ եք, որ մենք հանրության նյարդերի հետ կոնկրետ խաղում ենք, կներեք, մենք էլ ենք հանրության մաս»,- ասաց Փաշինյանը։

ՀՀ արդարադատության նախարար Գրիգոր Մինասյանն էլ պարզաբանեց, որ քաղաքացիականով և վարչականով փոփոխություններ են եղել՝ կապված նիստերի ձգձգումների հետ, բայց քրեականով դա անել չեն կարող, քանի որ մարդու իրավունքների հետ կապված որոշ կարգավորումներ կան և չեն կարող նվազեցնել։ Մինասյանը ուշադրություն հրավիրեց նաև այն հանգամանքին, որ ստանդարտների համաձայն՝ 3 մլն բնակչության դեպքում պետք է լինի 1500 դատավոր, մեզ մոտ՝ 300 դատավոր են, ընդ որում, այդ 300 դատավորների թիվը մի կերպ է համալրվել, քանի որ գումարը փոքր էր և այլն։ Փաշինյանն, այդուհանդերձ, շարունակեց նույն տրամաբանությամբ․ «Էլի եմ ասում՝ եթե մարդիկ այսօր տեսնում են, ասում են՝ նրանք միլիոններ են կուտակել, 7 տարի դատվում են, ինչ է եղել որ, մենք էլ երբ բռնվենք կամ չենք բռնվի, ենթադրենք, մի 10 տարի եղավ էլի, էլ ինչ խնդիր կա։ Այստեղ պետք է մտածեք, թե ինչ եք անում։ Սա հանրության նկատմամբ անհարգալիցության շեմը, եթե չի հատել, ապա շատ մոտ է»։

Աղբյուր` Փաստինֆո