Փաստ ինֆո

Աշխատասենյակներում ցանկանում են, որ Գրիգորի Խաչատուրովին կալանքի տակ պահել։ Գրիգորի Խաչատուրովին կալանքի տակ պահելու որոշումը գալիս է ամենաբարձր տեղից, ոչ թե՝ ԱԱԾ-ից կամ ինչ-որ քննիչականում աշխատասենյակից։ Այս մասին լրագրողների հետ հանդիպմանն ասաց գեներալ-մայոր Գրիգորի Խաչատուրովի պաշտպանական խմբի անդամ Միհրան Պողոսյանը։

« Այս գործը լակմուսի թուղթ է։ Ամեն դատավոր, որ առնչվում է այս գործի հետ, հասկանում է, որ այս ամենը չի կարելի իրականացնել, որովհետև վաղը մյուս օրը՝ սկսած պատասխան տալու, վերջացրած՝ իրավական մտքի արժանապատվության հարցերը կան։ Մի դատավոր գրում է, որ հիմնավոր կասկած չկա։ Նույնն է, որ նկարագրած լինեին՝ մարդը մի բաժակ սուրճ է խմել, հանցանք չկա, բայց եթե նույնսիկ հաստատվի այն, ինչ կա նշված, անձը չի կարող մեղադրվել փողերի լվացման մեջ, բայց կալանքից չի թողնում։ Մենք գնահատում ենք, որ չի թողնում, որովհետև ճնշում կա»,- ասաց Պողոսյանը։

Ինչ վերաբերում է Խաչատուրովի տրամադրվածությանը, ապա փաստաբանները շատ հաճախ են հանդիպում նրան։

«Տրամադրությունը շատ նորմալ է, իրականում, այս տոտալ անօրինական վիճակից մի քիչ զզված է, որովհետև ՀՀ քաղաքացի է, ՀՀ ԶՈՒ բարձրաստիճան սպա է, ինքը միշտ մտածել է, որ Հայաստանում ինչ իրավիճակ էլ լինի, օրենքը գործելու է։ Փաստորեն, իր դեպքում ստացվում է, որ չի գործում» ,- նշեց Պողոսյանը՝ հավելելով, որ գեներալը մարտական է տրամադրված։

«Իր դիրքորոշումն այն է, որ, վերջիվերջո, Հայաստանում պետք է լինի դատավոր, որ այս գործով իրավաբանություն կանի։ Ինքը վստահ է, որ պարոն Հովհաննիսյանը հենց այն դատավորն է լինելու, որն իրավաբանություն է անելու»։

Աղբյուր` Փաստինֆո