Փաստ ինֆո

Մենք լիազորված չենք փողոցների անունները փոխել, բնակիչները, որ ապրում են այդ փողոցներում, իրենց հարցրեք՝ նոր փոխեք։ Այս մասին Երևանի ավագանու այսօրվա նիստում ասաց «Ազգային առաջընթաց» խմբակցության անդամ Պեդրո Զարոկյանը:

«5-6 ամիս առաջ Նորք Մարաշում փոխեցիք անունները, առանց մեզ տեղեկացնելու, ես այնտեղ եմ ապրում, «Յանդեքս մապս»-ով նոր անունն էր բերում՝ ես իմ տունը չէի կարողանում գտնել։ Google maps նոր անունը չկա, իսկ Yandex-ը փոփոխված է բերում։

Բնակիչներին նախ տեղեկացրեք, մի հատ հանրային լսում արեք` տեսեք տեղյակ են, թե չէ: Նորք Մարաշի իմ փողոցը փոխել եք՝ ինձ տեղյակ չեք պահել; Թաղապետարանն ի՞նչ է անում, որ չի կարողանում մի նամակ ուղարկել, զանգել՝ հարցնել բնակիչներին; Բնակիչները պետք է որոշեն, մենք ո՞վ եք, որ փոխենք»։

Քաղաքապետ Տիգրան Ավինյանն էլ արձագանքեց. «Ասեմ, թե ով եք Դուք, պարոն Զարուկյան, Դուք Երևանի ավագանու անդամ եք և Երևանի ավագանու անդամներին են վերապահված այդ գործառույթը։ Ընթացակարգը կարող ենք փոխել, բայց վստահեցնում եմ, որ գործառութային իմաստով և օրենքով՝ լիազորությունները պատկանում են մեզ՝ ավագանու անդամներիս»։

Աղբյուր` Փաստինֆո