Փաստ ինֆո

Փաշինյանը նախօրեին հերթական անգամ սադրիչ հայտարարություն արեց՝ մի կողմից իր միտումնավոր խոսքով ՀՀ -Ադրբեջան համատեքստում իրատեսությունից հեռու ինչ-որ «ըմբռնումներ» առաջ քաշելով, հայտարարելով, թե՝ «Կա որոշակի ըմբռնում, որ սահմանների դելիմիտացիայի համար պետք է օգտագործվեն նախկին խորհրդային միություն ԶՈՒ ԳՇ 1974-90 թթ քարտեզները։ Կա այդպիսի բան, թե չկա, որևէ փաստ գոյություն չունի, գուցե միակողման կա․․․ Ինչպես կա թուրքադրբեջական տանդեմի ատելության և պատերազմի սպառնալիքներին ի պատասխան՝ նիկոլական սիրո ու խաղաղություն պարտադրանքի սպառնալիքը․․․

Ամբողջ աշխարհն է լսել, որ երբ փաշինյանը հանրագիտարանը թերթելով խորհրդային վերջին տարիների՝ ՀՀ և Ադրբեջանի սահմաններն էր քառակուսի կիլոմետրերով բարձրաձայնում, ալիևը որևէ կերպ չէր արձագանքում։

Նաև ասում է, իբր «կա ըմբռնում, որ Հայաստանն ու Ադրբեջանը միմյանց նկատմամբ տարածքային պահանջներ չունեն և պատրաստ են ստանձնել իրավական պարտավորություն հետագայում նույնպես նման պահանջներ առաջ չքաշելու վերաբերյալ։

Իյա, իրո՞ք․․․

Այս հայտարարությունն իր մեջ շեշտված միտում է պարունակում, ըստ որի ՀՀ ներկա վարչապետը մեկընդմիշտ խաչ քաշում Արցախի հարցի վրա՝ սերունդներին թողնելով ադրբեջանական նոր պատերազմների սպառնալիքը։ Իսկ Ալիևի՝ ՀՀ-ի նկատմամբ ծավալապաշտական նկրտումները և պահանջներն ամեն օր ընդլայնվում են։

Հավելենք, որ Փաշինյանն իրենից գոհ՝ ադրբեջանի առաջնորդին երկուստեք սահմանապահներից հրաժարվելու առաջարկ է անում՝ «առաջարկում ենք փոխադարձաբար զորքեր չունենալ ԽՍՀՄ ադմինիստրատիվ սահմանից այս ու այն կողմ, ինչպես նաև՝ հասցեագրել էքսկլավ անկլավների հարցերը։ ՀՀ ինքնիշխան տարածքի մաս հանդիսացող էքսկլավ Արծվաշենը ավելի քան 30 տարի գտնվում է ազարբ օկուպացիայի ներքո։ Բնականաբար, նրա այս առաջարկն անպատասխան չի մնա։

Կարծում ենք՝ հիշում եք, որ 2020 թվականի սեպտեմբեր 27-ին ադրբեջանի հարձակմանը նախորդել էր Փաշինյանի տավուշյան «հաղթանակը»։

Աղբյուր` Փաստինֆո