Փաստ ինֆո

Կարծում եմ Երևանը փորձում է մաքսիմալ ցույց տալ իր հավատարմությունը Արևմուտիքն և բոլոր հնարավոր եղանակներով փորձում է խզել այն թելերը, որոնք կապված են Ռուաստանի Դաշնության հետ, ինչը շատ մեծ արկածախնդրություն է, ինչը շատ մեծ վնաս է մեզ։ Այս մասին «Փաստինֆո»-ի հետ զրույցում ասաց ՀՀ պաշտպանության նախարարի նախկին տեղակալ Արտակ Զաքարյանն՝ անդրադառնալով Հայաստանին օգնելու մասին փաստաթուղթը ՀԱՊԿ-ի օրակարգից հանելու Երեւանի առաջարկին։

«Եթե սրան գումարենք այն, որ Արևմուտքում մեր երկիրն անվտանգություն չի կարողանալու գտնել , քանի որ ոչ մի երկիր Հայաստանին անվտանգության խոստում չի տվել և չի տալու, ապա Հայաստանը մնալու է բաց դաշտում՝ խոցելի ու ամբողջությամբ բախտի քմահաճույքին։ Ես սա համարում եմ հերթական արկածախնդրությունը, անգամ Հայաստանի դեմ ուղղված քյալագյոզություն, որը ոչ մի լավ բանով Հայաստանի համար չի ավարտվելու»,- նշել է Զաքարյանը։

Նրա փոխանցմամբ՝ մեր անվտանգությունն առաջին հերթին կախված է մեզանից, բայց այդ անվտանգությունը ունի բաղադրիչներ։ «ՀԱՊԿ անդամ պետությունները երբեք էլ չեն եկել մեր սահմանները պաշտպանելու ու դրա կարիքն էլ չի եղել, ՀԱՊԿ-ը մի մեխանիզմ է, որի ռազմատեխնիկական ապահովությամբ մենք կարողացել ենք բազմաթիվ անհրաժեշտ մատակարարումներ իրականացնել, ապահովել նաև քաղաքական իմաստով աջակցություն։ Իսկ այն, որ մեր իշխանության ժամանակ ստացվում էր ՀԱՊԿ-ի հետ աշխատել, իսկ սրանք չեն կարողանում՝ նրանից է, որ սրանք տեսակով այնպիսինն են, որ ոչ մի իմաստով չեն կարողանալու Հայաստանի անվտանգութունն ապահովել»,- ավելացրել ղ գործիչը։

Զաքարյանի խոսքերով՝ՀԱՊԿ-ից հեռանալով ՀՀ անվտանգության միջավայրը զրոյացվելու է, քանի որ ՆԱՏՕ-ում մեզ չեն սպասում, իսկ Թուրքիան ու Ադրբեջանը առիթի է սպասում, որպեսզի Հայաստանի վրա հարձակումը լինի բոլոր կողմերից՝ աշխարհի լուռ համաձայնությամբ։

«Քանի որ մեր ժողովուրդը թույլ է տալիս, որ կապիտուլիանտ իշխանություններն իր գլխին կարողանան անել այն, ինչ ուզում են, դրա համար էլ պետք է պատրաստ լինի իր վրա նոր հարվածներ ընդունելու ու նոր ողբերությունների։ Քանի որ ժողովուրդը պատրաստ է նման արկածախնդրության, ապա պետք է պատրաստ լինի նաև դրա պատասխանատվությունը կրելու, ժողովրդից է դուրս գալու այս ամբողջ ողբերությունը։ Նիկոլին ինչ, նա այսօր իշխանության է, վաղը մի տեղ թաքնված է լինելու, ժողովուրդն է թույլ տալիս, որ կապիտուլիանտները ոնց ուզենան՝ Հայաստանի ճակատագրի հետ խաղան, հետևաբար նաև հետևանքներին պետք է պատրաստ լինեն»,- ասել է Զաքարյանը։
Ինչպես արդեն տեղեկացրել ենք ՀԱՊԿ գլխավոր քարտուղար Իմանգալի Տասմագամբետովը Բելառուսի նախագահ Ալեքսանդր Լուկաշենկոյի հետ հանդիպման ժամանակ հայտնել է, որ Երեւանը խնդրել է օրակարգից հանել Հայաստանին օգնելու փաստաթուղթը։

Աղբյուր` Փաստինֆո