Փաստ ինֆո

150 հազար արցախցիներ Ադրբեջանի ագրեսիայի հետևանքով հայրենազրկվել են, բայց Ադրբեջանի ծրագրերն այդքանով չեն ավարտվել, տեսնում ենք, որ շարունակական պահանջներ ունի արդեն ՀՀ տարածքներից և հակառակ կողմից հնչեցված թեզերը, թե իբր խաղաղության խաչմերուկում ենք, պատրաստվում ենք խաղաղության պայմանագիր կնքելուն, տեսնում ենք, որ դա միակողմանի է: Այս մասին լրագրողների հետ զրույցում ասաց Արցախի ԱԺ պատգամավոր Դավիթ Գալստյանը:

«Զիջողական կեցվածք ընդունելով՝ հասանք այն ելակետին, որ 21-րդ դարում, Ադրբեջանն անտեսելով մի շարք բանաձևեր՝ ԵԽ, ՄԱԿ, անտեսելով միջազգային բոլոր ատյանները, չկաըարելով Հաագայի դատարանի որոշումը՝ հայրենազրկեց 150 հազար հայերի: Այսօր խոսելով, թե կան միջազգային հարթակներում պայմանավորվածություններ և հիմքում դնել այդ պայմանավորվածությունները՝ հանրությանը կրկին թյուրիմացության մեջ գցել է»,- նշեց Դավիթ Գալստյանը:

Արցախի պատգամավոր Դավիթ Գալստյանն ընդգծեց՝ երբ 1990-ականներին ունեցանք եռամիսանություն, ձեռք բերեցինք, ունեցանք հաղթանակներ, իսկ երբ ՀՀ-ն ինքը հրաժարվեց Արցախից, Արցախի ինքնորոշման իրավունքից՝ ճանաչելով Արցախն Ադրբեջանի մաս՝ ունեցանք հայրենիքի կորուստ:

«Եթե այսօր ՀՀ-ն կարողանա բանակցային կողմ դառնալ, այլ ոչ թե՝ առարկա, սկսենք բանացկել մեր պատմաիրավական հողերը հետ բերելու, մեր իրավունքներին տեր կանգնելու, քանի որ միջազգային հարթակներում մենք գիտենք, որ ՀՀ-ն որպես Արցախի անվտանգության երաշխավոր միշտ էլ հանդես է եկել, բայց, ցավոք, 2018թ պարտվողական կեցվածքով սկսած մենք հասցրեցինք այն վիճակին, որ այսօր ՀՀ-ն է վտանգված ադրբեջանական ագրեսիայից»,- ասաց Դավիթ Գալստյանը:

Անդրադառնալով ՀՀ իշխանությունների հայտարարությանը, թե Արցախի պետական ինստիտուտների գոյությունը վտանգում է ՀՀ ազգային անվտանգությանը՝ Գալստյանը նշեց, որ դա հերթական կեղծ թեզն է, դա հենց թուրք-ադրբեջանական տանդեմի թեզն է, որ Արցախն ի սպառ վերացնեն, թույլ չտան որևէ կերպ Արցախը շոշափվի որպես ինստիտուտ:

Աղբյուր` Փաստինֆո